खै ! जिन्दगी र समयको कुरो पनि बुझेर बुझी नसक्नु रै'छ । समय भन्दा बलवान कोहि हुन्न भन्ने कहावतलाई सायदै कसैले ईन्कार गर्न सक्ला । र होईन भन्ने आँट पनि कसैले नगर्ला । जहाँ समयले जुराउँछ समयले जम्काभेट गराउँछ र समयले मिलाउँछ दुई मनमुटुलाई सायदै कसैले त्यो समयको चङ्गुलबाट उम्कन सक्ला भन्ने लाग्छ । लाग्छ समयले मिलाएका मनमुटुहरु आफ्नो ईच्छा र मनोमानीमा केहि गर्न सक्दैनन्। क्षणिक रुपमा एक अर्कालाई घुर्की लाउनु आधिपत्य जमाउन खोज्नु हक जताउन खोज्नु र नक्कल पारेरै भएनि ठस्किने मस्किने त चलिरहन्छ नै जिन्दगीको यात्रामा ।
खै किन किन ? मनमुटु रित्तो रित्तो भएझैं आभाष हुदैछ ! एउटा मनमुटु बेतुकको तराना र अनुमानमा शङ्का आक्रोस र त्रासका त्रिपुर निर्माण गर्छ भने अर्को मन मुटु निरीह निस्तेज र निकम्मा झै जिवन माटोमा विलयको प्रतिक्षा बाहेक अरु उसका लागि केहि हुन्न ।उनलाई जतिखेर'नि उसको आवाजमा रमाउन मन लाग्छ । उसलाई नि उनको हसाई बोलाईमा भुल्न मन लाग्छ । तर पनि उनीहरु दुबै एउटा सामाजिक परिबन्धमा छन्। उ उनलाई अगाध माया गर्छ उनकै खुशीमा रमाउँछ, उनको फुरफुरमा आफु फुरुङ्ग हुन्छ , उनलाई पीडा हुँदा उ छटपटाउँछ,उनी दुखित हुँदा उसको संसार अँध्यारो हुन्छ । हरेक दिन उसलाई उनको बोलीको अम्मल लागेको छ उनलाई फोन नगरी बस्नै सक्दैन । उनी पनि उसको बोलीकी अम्मली छिन उनलाई कहिलेकहि फोन गर्न समय अनुकुलता नमिल्दा उनको पारो १०४ डिग्री फरेनहाईटमा पुग्थ्यो कम्पारो तातेर।"मैले आफ्नो मान्छेसंग कम्फर्टेवल्ली कुरा गर्न'नि नपाउने।त्यहि हो माया?" बेला बखत घुर्की लाउँछिन उनी।अनि च्याटबक्समा अनेकौं लल्लरी गाउँछिन, मायालु लवजमा ठुसठुस गरेको सङ्केत गर्छिन्,उसंग भेट्न नपाएको र एकाकार हुन नपाएको गुनासो पोख्छिन्,उसको सामिप्यता खोजेको कुरा गर्छिन् र व्यवहारका दुख सुख ऋणधनका कुरा गर्छिन्।मानौं च्याटबक्स नै उनको दुख बिसाउने चौतारो हो। गुनासो पोख्ने गुनासो पेटिका हो । र च्याटबक्स आफ्नो मान्छेसंग लाडप्यार जताउने मायालुपाराले लुटुपुटिने प्रियतमको न्यानो काख र न्यानो अङ्गालो हो।उसलाई केहि फर्माईस गर्न होस या ईच्छा व्यक्त गर्न,गुनासो पोख्न हस या माया गर्न च्याटबक्स नै सहारा भएको छ उनका लागि।
च्याट गर्दागर्दा जोडिएको उनीहरुको मायाप्रिती च्याटबक्सले जोगाईराखेको छ।मानौं च्याटबक्स उनीहरु दुईको मुटुको धडकन हो ।दुई शरिरको प्राण पखेरु हो । च्याटबक्समै उनीहरुका भावना अविरल ईन्दावती झै बग्छन् , माया प्रेम एकअर्कामा समर्पण हुन्छन्,उनीहरुका सुख दुख पीडा खुशी उन्माद सबै बाँडीन्छन् अनि गुनासा र आशा पनि बाँडी चुँडी गर्छन्। एक अर्कालाई सल्लाह सुझाव मार्गदर्शन पनि च्याटबक्समै हुन्छ उनीहरुबिच।त्यसैले च्याटबक्स उनीहरुको जीवनको एउटा पाटो हो र च्याटबक्समै उनीहरुकाका खुशीहरु समेटिएका हुन्छन् । निदाउनु अघि होस वा दिन शुरु हुनु अघि च्याटबक्सले नै उनीहरुलाई मिलाउँछ, गफ्याउँछ र खुशीखुशी एकअर्कालाई उर्जादिदै दैनिकी अघि बढाउँछ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...