१२ फागुन काठमाडौ।जिल्ला हुलाक कार्यालय बझाङका निमित्त कार्यालय प्रमुख रणबहादुर कडायतको ३ करोडको भ्रष्टाचार मुद्दा विशेष अदालतमा दर्ता भएको छ।अख्तियार दुरुपयोग अनुसन्धान अयोगले आर्थिक अनियमितता गरेको आरोपमा कडायतविरुद्ध २ करोड ९४ लाख ८९ हजार विगो कायम गरि मुद्धा दायर गरेको हो।सोही मुद्दामा प्रतिवादी बनाइएका नायब सुब्बा शिवराज उपाध्यायविरुद्ध २ करोड २४ हजार विगोसहित कायम गरिएको छ।उनीविरद्ध १० वर्षसम्म कैद सजायको माग समेत गरिएको छ।जिल्ला हुलाक कार्यालय बझाङका कर्मचारीहरुले हुलाक वचत बैंकको रकम हिनामिना र हानिनोक्सानी गरेको भन्ने उजुरी सम्बन्धमा अख्तियारले अनुसन्धान गरेको हो ।
निमित्त प्रमुख कडायत र तत्कालिन खरिदार उपाध्याय (हाल सुर्मा गाउँपालिकाका नासु)ले सार्वजनिक कोषको संरक्षण गर्नुपर्ने दायित्व विपरीत लापरवाही एवं बदनियतपूर्ण रुपमा सार्वजनिक कोषको दुरुपयोग गरी मासेको एवं निजी प्रयोगमा लगाएको तथ्य निर्विवाद रुपमा पुष्टि हुन आएको अख्तियारको अनुसन्धानबाट खुलेको छ।उनीविरुद्ध दुवैलाई भ्रष्टाचार निवारण ऐन बमोजिम कैद र जरिवानासहित, बिगो रकम असुल गर्न विशेष अदालत, काठमाडौंमा आरोपपत्र दायर गरिएको छ ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...