नेपाली कांग्रेसको १४ औं महाधिवेशन प्रक्रिया शुक्रवारदेखि सुरु भएको छ । कांग्रेस विधानअनुसार सबैभन्दा तल्लो तहको अधिवेशनअन्तर्गत शुक्रवारदेखि वडा अधिवेशन सुरु हुने भएको हो । वडाबाटै आफ्नो प्रतिनिधित्व निर्वाचित गर्न केन्द्रीय नेताहरु जिल्ला–जिल्ला पुगेका छन् । वडा तहबाट छानिने प्रतिनिधिले महाधिवेशनको नतिजामा प्रभाव पार्ने भएकाले नेताहरु तल्लो तहसम्मै सक्रिय भएका हुन् ।
सबै जिल्लाका क्रियाशील सदस्यता एकैपटक सार्वजनिक नहुँदा वडा अधिवेशनका लागि तोकिएको मिति भने जिल्ला अनुसार नै फरक–फरक रहेको छ । देशभर एकैदिन वडा अधिवेशन गर्ने कार्यतालिका भए पनि नुवाकोटमा भने यहि भदौँ २१ गते सोमवार ८८ वटै वडामा अधिवेशन गर्ने निर्णय भएको छ जिल्ला सभापती जगदीश्वरनरसिंह केसीले बताए ।
सोमवार हुने वडा महाधिवेसनलाई मध्यनजर गर्दै जिल्लाको विभिन्न वडाहरुमा भेला तथा छलफलहरु आयोजना भइरहेको छ । सर्वसममत रुपमा वडा नेतृत्व चयन गर्नलाई नेपाली काङ्ग्रेस जिल्ला कार्य समिति नुवाकोटले विशेष पहल गरिरहेको छ । आसन्न स्थानीय तहको निर्वाचनमा पार्टीभित्रको आन्तरिक समस्याले हार व्यहोर्न नपरोस् भनेर पार्टीको अधिवेसन विवादमुक्त रुपमा सहमती र सहकार्यको साथ सम्पन्न गर्ने जिल्ला समापती केसीको भनाई छ ।
जिल्लाको महाधिवेसन गर्ने मिति तोक्ने, महाधिवेसनको लागि आवस्यक निर्वाचन अधिकृतहरु छनौट गर्ने लगायतको गतिविधिहरु पार्टीको विभिन्न पद र तहमा रहेका व्यक्तिहरुको सहमतीबाटै भएकोले ८८ वटै वडाको नेतृत्व पनि सहमतीबाटै चयन हुनेछ भन्नेमा ढुक्क रहेको सभापती केसीको भनाई छ । वडावडामा खटिने निर्वाचन अधिकृतहरुलाई शुक्रवार केन्द्रबाट आएका निर्वाचन अधिकृतले अधिवेसनको क्रममा उत्पन्न हुने समस्या समाधान कसरी गर्ने, आपसमा समन्वय र सहकार्य कसरी गराउने, निर्वाचन निर्देशिका, विधान, पार्टीको परिपत्र लगायतको विषयमा प्रशिक्षण समेत दिएको छ
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...