नुवाकोटको किस्पाङ गाउँपालिका वडा नम्बर ५ मा मनकामना भुमेस्थानमा बस दुर्घटना हुंदा एक जनाको ज्यान गएको छ भने ५२ जना भन्दा वढि घाइते भएका छन् । गम्भीर घाइते यात्रुको हेलिकप्टरमार्फत उद्धार गरि काठमाडौ पठाइएको छ ।
किस्पाङ गाउंपालिका भाल्चेदेखि काठमाडौका लागि हिंडेको वा४ख ५७६२ नं.को यात्रुवस दुर्घटना भएको हो । वडादशैं मनाएर काठमाडौ लगायतका अन्य कर्मथलो फर्किदै गरेका यात्रुहरु दुर्घटनामा परेको गाउँपालिका अध्यक्ष छत्र लामाले वताए । घाइतेहरुको नुवाकोट जिल्ला अस्पताल त्रिशूलीमा प्राथमिक उपचार गरि थप उपचारका लागि काठमाडौको ग्राण्डी तथा ट्रमा सेन्टर पठाइएको उनले बताए ।
वस दुर्घटनामा परि किस्पाङ १ भाल्चेवेशीका २६ वर्षिय रमेश तामाङको ज्यान गएको जिल्ला प्रहरी कार्यालय नुवाकोटले जनाएको छ । उनलाई उद्धार गरि हेलिकप्टरमार्फत काठमाडौ धापासिस्थत ग्राण्डी अन्र्तराष्ट्रिय अस्पताल धापासी पु¥याइएकोमा चिकित्सकले मृत घोषित गरेका थिए । घाइतेमध्ये नुवाकोट जिल्ला अस्पताल त्रिशूलीमा आठ जना, ग्राण्डी अस्पतालमा तीन जना र ६ जनाको ट्रमा सेन्टरमा उपचार भइरहेको छ भने ३४ जनाको सामान्य उपचार पश्चात डिस्चार्ज गरिएको छ ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...