नेपाली कांग्रेसका नेता डा.शेखर कोइरालाले महाधिवेशनलाई उत्सवका रुपमा लिन सबैलाई अपिल गर्नुभएको छ । डा.कोइरालाले अपिल जारी गर्दै १४ औं माहधिवेसनलाई उत्वसका साथै ‘गुट र गिरोह’ समाप्त गर्ने अवसरका रुपमा लिन अपिल गर्नु भएको हो । त्यस्तै उहाँले चरणवद्ध रुपमा हुने निर्वाचनहरुमा सबैलाई गम्भीरतापूर्वक मनन् गर्न पनि आग्रह गर्नु भएको छ ।
कोइरालाले महाधिवेशनले हामी लोकतन्त्रवादीहरुलाई जिम्मेवार र विवेकपूर्ण रुपमा अन्तरआत्माको आवाज सुन्न पनि घच्घच्याइरहेको बताउनुभयो । डा। कोइरालाले महाधिवेशन किन समयमा हुन नसकेको भन्दै प्रश्न समेत गर्नु भएको छ । ‘कांग्रेसको महाधिवेशन किन समयमा हुन सकेन,’ उहाँले भन्नुभयो। ‘म कसैलाई दोष दिन चाहन्न । यतिमात्र भन्छु कांग्रेसको महाधिवेशन विधान र संविधान भन्दा बाहिर गएर हुने परिस्थिति भविष्यमा आउन नदिने जिम्मेवारी अब हामी सवैको हो, कांग्रेसजनको हो ।’
स्वस्थ र शालिन प्रतिस्पर्धाले कांग्रेसको छवि राष्ट्रिय र अन्तराष्ट्रिय रुपमा समेत उचाइमा पुग्ने उहाँको भनाइ छ। विगतमा पार्टी भित्र गुट र विभाजनको स्थायी चरित्रका रुपमा बसेको संस्कारलाई हटाउन नसकेका कारण आम निर्वाचनमा कम्युनिष्ट भन्दा कमजोर भएको डा। कोइरालाद्वारा जारी गरिएको अपिलमा उल्लेख छ ।
पार्टीमा हुने आन्तरिक लोकतान्त्रिक अभ्यासलाई जित र हार भन्दा माथि राख्न सक्दा नेपाली कांग्रेसको महाधिवेशन उदाहरणीय बन्न सक्ने डा। कोइरालले सुझाव दिनु भएको छ । त्यस्तै उहाँले कांग्रेसलाई विश्वसनीय र भरोसायुक्त एक नम्वरको पार्टी बनाउने सबैलाई आग्रह गर्नु भएको छ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...