-डिल्लीप्रसाद मूलतिहुन,मोलुड-५,ओखलढुंगा/६२८२०
अघाएन साॅंढे चरेको चऱ्यै छ
अझै त्यो उपद्रो गरेको गऱ्यै छ
अनेकौॅं नखाने कुरासम्म खायो
अहो ! चर्न खोज्दै अझै त्यो करायो ।१।
अगौटे, पछौटे निल्यो अन्नबाली
अझै त्यो डुलेकै छ जिब्रो निकाली
अलौटा मकै , जौ पस्यो चर्न धान
असन्तोष गर्दै अझै खोज्छ खान ।२।
अपुंगो निले झैं सबै निल्न जान्ने
अटेरी पटक्कै भनेको नमान्ने
अचम्मै छ छाडा , हदैसम्म चाम्रो
असाध्यै बिगाऱ्यो कतै छैन राम्रो ।३।
असन्तुष्ट बानी छ साह्रै सतायो
अहो ! सर्वनासै गऱ्यो दिक्क लाग्यो
असारे नदी झैं बग्यो आंसु हाम्रो
अनायास बस्ती बनायो नराम्रो ।४।
अत्याएर सोझा बसेको छ बास
अगुल्टो उचालौॅं दिने हैन घाॅंस
अपेक्षा गरे झैं नबन्दा सुबानी
अघोरै सतायो सुधारेन बानी ।५।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...