सन्तोष दहाल, काठमाडौँ
काठमाडौँको कोटेश्वरमा अवस्थित एन्जल लर्ड इंलिश स्कुलले वृहत विज्ञान प्रदर्शनी २०७५ सम्पन्न गरेको छ । बिहीबार पूर्व परराष्ट्रमन्त्री महेन्द्रबहादुर पाण्डेद्वारा उद्घाटन गरिएको प्रदर्शनी २ दिनसम्म चलेको थियो ।
प्रदर्शनीमा १०० भन्दा बढी विज्ञान, रोबोटिक्स, अटोमेसन आदि विषयका प्रोजेक्टरहरु सहित स्वास्थ्य शिविर, योग ज्ञान, चित्रकला प्रदर्शनी, पुराना मौलिक भेषभूषा प्रदर्शनी, सांस्कृतिक प्रस्तुति तथा नेपाली मौलिक खानाहरुको परिकार राखिएको थियो । विद्यार्थीहरुमा व्यवहारिक ज्ञान, सीप र सीर्जनशील क्षमता अभिवृद्धि गराउने,अन्तरनिहीत कला र प्रतिभा उजागर गराउन वातावरण सिर्जना गर्न, विकसित अत्याधुनिक प्रविधिहरु सँग अपडेट गर्दै लैजाने उद्देश्यले प्रदर्शनी आयोजना गरिएको विद्यालयका प्रधानाध्यापक टंक लिम्बुले बताए ।
यस्तै उक्त प्रदर्शनीमा विद्यार्थीहरुको मष्तिस्कबाट नै निर्मित हस्तकलाका मौलिक प्रस्तुति, स्मार्ट सिटी,हाईड्रोपावर ट्राफिक लाईट, इलेक्ट्रोनिक सामग्रीहरुका साथै परम्परागत ढिकीजाँतो, ठेकी, मदानी , मौलिक लोकबाजाका आईटमहरु देख्न सकिन्थ्यो ।
प्रदर्शनी अवलोकन गर्दै पूर्व पराष्ट्रमन्त्री महेन्द्रबहादुर पाण्डेले किताबी घोकन्ते ज्ञानभन्दा व्यवहारिक र प्रयोगात्मक ज्ञान अति महत्वपूर्ण पक्ष रहेको बताउदै स्मार्ट सिटीको अवधारणा थाहा नपाई चुनावमा खोक्रा भाषण गर्ने नेतालाई एन्जल लर्डका विद्यार्थीहरुले सिकाएको बताए । मौलिकता जोगाउनका लागि पुराना पिढीलाई नयाँ पिढीले गाइड गर्नुपर्ने उनले बताए ।
सिफारिस
झापाको बिर्तामोडमा चैत्र १२ गते टुबोर्ग होलि हङ्गामा हुने
बागलुङ सेवा समाज र बलेवा समाज अमेरिकाको संयुक्त आयोजना, न्यूयोर्कमा चै...
कम्युनिष्टको आदेशले फसेका गृहमन्त्री लामिछाने संचार क्षेत्रको बिरोधले...
गैरआवासीय नेपाली संघ र संबद्ध पक्षबारे:बागमती टेलिभिजनको कोर इस्यूमा