ऋषभ घिमिरे,गादावरी

भानु झै चम्कने चाह, सन्दर्भ : २०४ औं भानु जयन्ती

Hollywood Khabar July 13,2017 Comments

भानु झै चम्कने चाह मन भित्र रहि रहोस्
साथमा हर्दम एउटा रामायण रहि रहोस् ।
काढाले पनि कोर्दैन रामायण बुझ्यौ भने
पीडाले पनि छुदैन रामलाई चिन्यौ भने।।
तिमीले कविता लेख्नु भाव विम्व छछल्किने
भविष्य,दृष्टि, सौन्दर्य सुविचार उदाउने ।
मर्यादा रामको जस्तै बोकि राख्नु सधै तिमी
सीताको सत्यको गाथा बोकि राख्नु सधै तिमी।।
कविता फैलदै जाओस् भानुको रश्मि झै सधै
कवि हुनु युगका द्रष्टा मौरीका रानु झै सधै ।
पद चिन्ह तेहि टेकि भानु कै मार्गमा हिड
दुर्भावनाहरू त्यागि सुमार्गमा हिडि रहुँ।
घमण्डहरू त्यागेर आदर्श बोक्नु पर्दछ
विसंगतिहरूलाई कविले रोक्नु पर्दछ ।
कवि बन्दछु भन्नेले राष्ट्रको हित सोच्दछ
सबैले गाउने मिठा राष्ट्रको गित लेख्दछ।