३०,कात्तिक,चितवन।मध्यवर्ती क्षेत्र वरपरका विपन्न वर्गलाई लक्षित गरी नेपालमै पहिलो पटक चितवनमा जंगली जनावरबाट हुने सम्भावित क्षतिको बीमा सुरु भएको छ ।चितवनको रत्ननगर नगरपालिकाले र स्थानीय बाघमारा मध्यवर्ती सामुदायिक वन, मृगकुञ्ज मध्यवर्ती उपभोक्ता समिति र अर्थ इन्ष्टिच्युट संग साझेदारीगर्दै बीमा कार्यक्रम सुरु गरिएको हो ।
नगरपालिकाका मेयर नारायण वनले पहिलो चरणमा सौराहानजिकको बद्रेनीका १ सय ४९ घरको बीमा गरिएको बताए।शिखर इन्स्योरेन्स कम्पनी मार्फत जंगली जनावरबाट हुने मानवीय, भौतिक, घरपालुवा पशु चौपाय र वालीनालीको एकमुष्ट बीमा गरिएको हो।जंगली जनावरको आक्रमणबाट कुनै व्यक्तिको मृत्यु भएमा १० लाख, घाइते भएमा १ लाख घर तथा भौतिक संरचनामा क्षति भएमा १० लाख, घरपालुवा जनावर मारिएमा १२ देखि ४० हजार सम्म र बालीनालीमा क्षति गरेमा क्षतिको ७५ प्रतिशत बीमामार्फत राहत पाउने मृगकुञ्जका अध्यक्ष बासु ढुंगानाले बताए ।कार्यक्रममा रत्ननगर नगरपालिकाको २५ प्रतिशत, अर्थ इन्ष्टिच्युटको २५ प्रतिशत, बाघमारा मध्यवर्ती सामुदायिक वन र मृगकुञ्ज मध्यवर्ती उपभोक्ता समितिको २५ प्रतिशत र उपभोक्ताको २५ प्रतिशत गरी ७ लाख २५ हजारको बीमा गरिएको हो ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...