फुलारा लिटरेचर फाउण्डेशनद्वारा अन्तराष्ट्रिय मानार्थ सम्मान २०७८ द्वारा ३१२ जना सम्मानित

काठमाडौं, अक्टुवर १२, २०२१

हाम्रो एकै दृष्टिकोण, लक्ष्य र उद्देश्य भनेको नेपाली मौलिक कला, संस्कृति र साहित्य भन्ने मूल नाराका साथ फुलारा लिटरेचर फाउण्डेशन नेपालद्वारा अन्तराष्ट्रिय मानार्थ सम्मान-२०७८ प्रदान गरिएको छ।

नेपाली कला, संस्कृति, समाज, भाषा, साहित्य, चलचित्र, पत्रकारिता लगायतका विधामा रही विशिष्ठ योगदान दिनुभएका व्यक्तिहरूलाई अन्तराष्ट्रिय मानार्थ सम्मान २०७८ प्रदान गरिएको आयोजकले बताएका छन्। यो सम्मान अनलाइन मार्फत वितरण गरिएको हो। विधागतरूपमा रहेका सम्मानित व्यक्तित्वहरूको नामावली, प्रमाणपत्र र शुभकामनापत्र फेसबुक, इमेल, भाइबर र ह्वाट्सएपमार्फत् सार्वजनिक गरिएको छ।

३१२ जना व्यक्तित्वहरूलाई संस्थाको तेस्रो बार्षिक उत्सवको अवसरमा सम्मान गरिएको संस्थाका अध्यक्ष भीष्मराज फुलाराले जानकारी गराउनुभयो। संस्थाका अध्यक्ष फुलाराका अनुसार कोभिड-१९ कम हुँदैगएको देखिएता पनि यसको प्रभाव र असरहरू अझै बाँकी रहेकोले अनलाइन माध्यम मार्फत् सम्मान वितरण गरिएको हो ।

संस्थाले स्वदेश तथा विदेशमा रही लेखन, कलाकारिता, सङ्गीत, पत्रकारिता, सामाजिक सेवा, सौन्दर्य, फेसन र व्यवसायमा आफ्नो उत्कृष्टता प्रदर्शन गर्नुभएका व्यक्तिहरूलाई राष्ट्रिय मानार्थ सम्मान वितरण गरिएको जनाएको छ। यस अवसरमा लेखनमा ३४ जना, चलचित्रमा ९५ जना, सङ्गीतमा ५१ जना, पत्रकारितामा ४८ जना, सामाजिक सेवामा ३२ जना, सौन्दर्य-फेसनमा २८ जना, व्यवसायमा चार जना र अन्तर्राष्ट्रियमा ३० जना गरी ३१२ जना सम्मानित भएका छन्।

लेखन विधातर्फ नेपाली वाङमय शताब्दी पुरुष तथा संस्कृतिविद् सत्यमोहन जोशी, नेपाली महिला लेखिका माया ठकुरी, नेपाली भाषाका साहित्यकार कृष्ण धरावासी, पूर्णकालिक लेखक वुद्धी सागर लयागत नेपाली वाङमय साहित्यका प्रखर लेखकहरू भैरव रिसाल, नयनराज पाण्डे, अमर न्यौपाने, रामलाल जोशी, सुविन भट्टराई, जिएस पौडेल, रामकुमार पांडे लगायत ३४ जना सम्मानित हुनुभएको छ। पांडे अन्तर्राष्ट्रिय लेखक संघ नेपाल च्याप्टरका अध्यक्षसमेत हुनुहुन्छ।

कला र कलाकारिता विधातर्फ अभिनेता, अभिनेत्री, चरित्र अभिनेता, निर्माता, निर्देशक, छाँयाकार, सम्पादक, भीएफएक्स कलाकार, चलचित्र लेखक, मेकअप कलाकार, सङ्गीतकार, गीतकार, नृत्य निर्देशक, द्वन्द्व निर्देशक, फेसन डिजाइनरलगायतका ९५ जना चलचित्रकर्मीहरूले सम्मान प्राप्त गर्नु भएको छ। सम्मान प्राप्त गर्नुहुने चलचित्रकर्मीहरूमा महानायक राजेश हमाल, नीर शाह, भुवन केसी, धिरेन शाक्य, करिश्मा मानन्धर, रविन्द्र खड्का, मोहन निरौला, तीर्थ थापा, दयाराम दाहाल, आकाश अधिकारी, प्रदिपकुमार उदय, छवीराज ओझा, रोज राणा, उज्वल घिमिरे, उमेश खड्का, दिनेश डी सी, सविर श्रेष्ठ, सुचित्रा श्रेष्ठ, निखिल उप्रेती, विराज भट्ट, निता ढुंगाना, नवल खड्का, पुकार भट्टराई, ज्योति काफ्ले, हिमाल केसी, पुष्कर लामा, रेनिश फागोलगायत रहनु भएको छ।

सङ्गीत विधातर्फ सङ्गीतकार, गायक, गायिका, गीत रचना, साउण्ड रेकडिट्स, एरेञ्जर, म्युजिक भिडियो निर्देशक, मोडल कलाकार लगायत ५१ जना व्यक्तित्व सम्मानित हुनुभएको छ। सम्मान प्राप्तगर्नु हुनेहरूमा भजन शिरोमणी भक्तराज आचार्य, शम्भुजित बास्कोटा, सत्यकला राई, राजु सिंह, रामकृष्ण ढकाल, स्वरूपराज आचार्य, अञ्जु पन्त, कृष्ण कंडेल, शिव परियार, चेतन सापकोटा, अर्जुन पोखरेल, धर्मराज उपाध्याय (डा. डीआर उपाध्याय), किशोर थापा, कविराज गहतराज, रामजी लामिछाने, शंकर विसी, शिव विक, क्रान्ति केसी, आदित्य बुढाथोकीलगायत हुनु हुन्छ।

यसैगरी पत्रकारिता विधातर्फ रेडियो, टेलिभिजन, छापा र डिजिटल मिडियामा रहेर उत्कृष्ट योगदान गर्नुभएका ४८ जना पत्रकारलाई राष्ट्रिय मानार्थ सम्मान प्रदान गरिएको छ। सम्मान पाउने व्यतित्वहरूमा बालकृष्ण बस्नेत, फुलमान वल, रवी लामिछाने, ऋषी धमला, मनहरी थापा, अनन्त वाग्ले, विदुर गिरी, गीता अधिकारी, कुवेर गिरी, टिबी विरहीलगायत रहनु भएको छ ।

यस अवसरमा सामाजिक सेवामा सक्रिय रही अमूल्य योगदान गर्नुभएका ३२ जना व्यक्तित्वले सम्मान प्राप्त गर्नुभएको छ। सामाजिक अभियन्ताहरू यज्ञराज पाठक, मोहनबहादुर केसी, मुकुन्द पौडेल, प्रदिप रिजाल, सानुभाई खड्का लगायतले सम्मान प्राप्त गर्नुभएको छ ।

सौन्दर्य-फेसन विधातर्फ इनुथापा, संगीता थापा, रिना शाक्य, छब्बु कार्की, नारायण भट्टराई, सुनिता मरासैनी, निशा राना, अमृता कंडेल लगायतले सम्मान प्राप्त गर्नुभएको छ। यस विधामा २८ जना सम्मानित हुनुभएको छ ।

त्यस्तै, अन्तर्राष्ट्रिय क्षेत्रमा विभिन्न पेशा व्यवसायमा सक्रिय रही नेपाली कला, संस्कृति र साहित्य क्षेत्रमा अमूल्य योगदान गर्नुभएका वकिल तथाव्यवसायी लगायतलाई सम्मान गरिएको छ। वरिष्ठ अधिवक्ता खगेन्द्र जिसी, राजनीतिज्ञ एवम् सामाजिक अभियन्ता आनन्द विष्ट, व्यवसायी वाला घिमिरे, विश्वनाथ बराल, सञ्चारकर्मीहरू कृष्ण केसी, संगीता थापा, किरण मरहट्ठा, किशोर पन्थी, तोया दाहाल, विकास न्यौपाने, बिशाल पौडेल तथा गायक कलाकार यम बराल, समाजसेवी मकेन्द्र सिंह, तेजेन्द्र कंडेल लगायत ३० जना व्यक्तित्वहरू सम्मानित हुनुभएको छ।

आफ्नो स्थापनाकाल देखि नै फुलारा लिटरेचर फाउण्डेशन नेपाल आफ्नो दृष्टिकोण, लक्ष्य र उद्देश्यप्रति कटिवद्ध रहेको र देश भित्र र देश बाहिर नेपाली मौलिक कला, संस्कृति र साहित्यको संरक्षण, सम्वर्धन र विकासमा अगाडी बढिरहेको संस्थाका वरिष्ठ उपाध्यक्ष मानबहादुर थापाले बताउनुभयो।

फुलारा लिटरेचर फाउण्डेशन नेपालको संस्थापक संरक्षक तथा कानुनी सल्लाहकार विगत १५ बर्षदेखि अमेरिकामा रहेर कानुनी व्यवसायी तथा सामाजिकरणको अभियानमा सक्रिय बासु फुलारा हुनुहुन्छ।