गौरी जोशीको प्रेस बक्तब्य
आदरणीय मित्रहरु,
गैरआवासीय नेपाली संघ राष्ट्रिय समन्वय परिषद अमेरिका (एनआरएन अमेरिका)को निर्वाचन, मेरो उम्मेदवारी र एनआरएनको वर्तमान नेतृत्वलाई लिएर विगत केही दिन देखि विभिन्न माध्यममा प्रकाशित टिका टिप्पणी प्रति मेरो ध्यानाकषर्ण भएको छ । पछिल्ला केही दिनमा प्रकाशित खवरले सिगों एनआरएनको गरिमालाई घटाउने कार्य गरेको मेरो बुझाई छ ।
गैरआवासीय नेपाली संघ (एनआरएन)अमेरिका क्षेत्रिय संयोजक सोनाम लामा उपसंयोजक ए सि शेर्पा लगायत साथिहरुसंग टेक्ससमा भएको अनौपचारिक सामान्य कुराकानीलाई अतिरञ्जित रुपमा व्याख्या नगर्न म सवैसंग आग्रह गर्छु । उक्त बैठकमा उहांहरुले सहमतिका लागि धम्की दिनुभयो भन्ने कुरा वाहिर आएको छ, यसमा कुनै सत्यता नरहेको म स्पष्ट गर्न चाहान्छु।
एनआरएन अमेरिकाको आगामी निर्वाचन, विधानमा उल्लेखित नयां व्यवस्था लगायतका विषयमा टेक्ससमा अनौपचारिक छलफल भएको हो । हामीले आफ्ना आफ्ना भनाई राखेका थियौं । विधानका विषयमा आएको विवादका सम्वन्धमा मैले कानुन विज्ञ, एनआरएन अमेरिकाका अग्रजहरुसंग परामर्श गरिरहेको मैले यस अघिनै प्रष्ट पारिसकेको छु । म पनि नेतृत्वका आंकाक्षी भएकाले अग्रजहरुसंग वसेर कुराकानी गर्नु समान्य हो, यसलाई यही रुपमा वुझ्न म आग्रह गर्छु।
व्यक्तिगतरुपमा भएका सम्बादलाई आ आफ्ना तरिकाले व्याख्या गरिनु नै समस्याको कारण हो। यसर्थ, एक अर्का प्रति आरोप र प्रत्यारोपवाट मुक्त भएर अमेरिकाको नेपाली समुदायलाई एकजुट बनाउन आ आफ्ना असहमतीलाई सभ्यरुपले प्रस्तुत गर्नुका साथै व्यक्तिगत स्वार्थवाट माथि उठी एनआरएनको संस्थागत उन्नतिका लागि हामी सबेले उपयुक्त योगदान गर्नु नै आजको आवश्यकता हो । समाजिक सेवाको यो अभियानमा कसैसंग पनि मेरो व्यक्तिगत मनमुटाव र आपसी कटुताको कुनै स्थान नहुने धारणा सार्वजनिक गर्दै सम्पूर्ण अमेरिकी नेपालीहरु तथा सामाजिक अगुवालाई सेवाको यो सत्कर्ममा मेरा साथ दिन एक पटक पुन आग्रह गर्छु।
धन्यवाद
गौरी जोशी
डलास टेक्सस
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...