Hollywoodkhabar advertisement

संविधान संशोधन प्रस्ताव सर्वसम्मतले पारित गर्नुपर्नेमा कांग्रेसको जोड

साङ्केतिक तस्बिर:साभार वेब

१२ जेठ,काठमाडौं।संविधानमा निशाना छापभित्र रहेको नेपालको नक्सा परिमार्जन गर्न सरकारले संसद्मा दर्ता गरेको संशोधन प्रस्ताव सर्वसम्मतले पारित गर्नुपर्नेमा कांग्रेसले जोड दिएको छ।शीर्ष दलका नेतासहित आइतबार बसेको कांग्रेस पदाधिकारी बैठकले नयाँ नक्सा सम्बन्धी संविधान संशोधनको प्रस्तावलाई सर्वसम्मतरूपमा पारित गर्नुपर्ने निष्कर्श निकालेको हो।सरकारले हालै कालापानी, लिपुलेक र लिम्पियाधुरासहितको भूमि समेटेर नयाँ राजनीतिक र प्रशासनिक नक्सा जारी गरेको थियो।संविधान संशोधनजस्तो महत्वपूर्ण विषय भएकाले औपचारिक रूपमा पार्टीको केन्द्रीय समिति बैठकले निर्णय गर्ने कांग्रेसले जनाएको छ। कांग्रेस केन्द्रीय समिति बैठक केही दिनमै बस्ने जनाइएको छ।

‘नक्सामा समेटिएका नयाँ भूमिहरू नेपालकै हुन् भन्नेमा कांग्रेस पहिल्यैदेखि दृढ छ,’ बैठकमा सहभागि कांग्रेस संसदीय दलका प्रमुख सचेतक बालकृष्ण खाणले भने, ‘अहिले सरकारले नयाँ नक्सा अनुसार संविधान संशोधनको प्रस्ताव अगाडि बढाएको छ।यो स्वागत योग्य छ।यसलाई सर्वसम्मत रूपमा संसद्बाट पारित गर्नुपर्ने पक्षमा कांग्रेस छ।’

उनले राष्ट्रको सार्वभौमसत्ता, भौगोलिक अखण्डता र स्वाधिनताको विषयमा दलहरू एकठाउँमा उभिनुपर्नेमा जोड दिँदै संशोधन प्रस्ताव सर्वसम्मत पारित गर्न संसद्भित्र रहेका र बाहिरका दलहरूसँग कांग्रेसले छलफलको पहल गर्ने समेत बताए।‘सबै राजनीति दलको सहमति जुटाउन कांग्रेसले पहल गर्नेछ,’ उनले भने।
 

From our sponsors

इतिहास जसरी भयो तेसै गर्नु भनेको मुर्खता हो, खै परिवर्तन राजनीतिमा

3 Years ago

विशेश्वर प्रसाद कोइरालाले प्रजातन्त्रमा राजतन्त्र आवश्यक देखे कांग्रेसका थुप्रैले उनको अनुसरण गरे। मदन भण्डारीले कम्युनिष्ट भित्र प्रजातान्त्रिक रुपमा जान सकिन्छ भन्ने विकल्प दिए तर अधिनायकवादीहरुले खोसेर त्यसलाई समाप्त गरे

ADVERTISEMENT-----