Hollywoodkhabar advertisement

जे म चाहन्थे त्यो पाइन तर जे मेरो लागि आवश्यक थिए ति सबैकुरा उहाँले दिनुभयो

-Krishna KC
0
shares

कृष्ण के सी, अमेरिका/१०/१०/२०

सेप्टेम्बर १२, २०११ मा मेरो भतिजीले आलाबामाबाट बुक पोष्ट गरेर अँग्रेजी भाषाको एउटा पुस्तक पठाएकी थिइन्। उनि अलि अलि होइन धेरै नै धार्मिक छिन। ४-५ बर्षको उमेरमा नै अमेरिका आएकीले केहि शब्द बाहेक नेपाली बोल्न जान्दिनन। रोटी, भात र हात धुने जस्ता केहि शब्द अझै पनि संझेकी छिन।

आज उनले पठाई दिएको किताबको एक भागबाट मलाइ मन परेर टिपेका कुराहरु मेरा लेखन खोतल्दै जाँदा पाइयो। यहाँ त्यहि कुराहरुलाइ नेपालीमा अनुवाद गरेर पोष्ट गरेको छु। लेखनमा किवाबको नाम उल्लेख गर्नुपर्ने हुन्छ। तर मसँग त्यो किताब घर सर्दा कता परेछ आज पाउन सकिन। पछि पुस्तक भेटेपछि थप्नेछु।

किताबका सान्दर्भिक कुराहरुलाइ केहि ब्याख्या सहित यहाँ तपाइको लागि:

१.मैले भगवानसँग मागे; हे भगवान मलाइ सबै मानिसहरु भन्दा शक्तिशाली बनाउनुहोस। जसले गर्दा म जस्तो तागतवान मानिस दुनियाँमा अरु कोहि नहोस। जति बिन्ति गरेपनि भगवानले मेरो माग अनुसारको कुरा दिनु भएन। तर उल्टा भगवानले त मलाइ शक्तिशाली होइन ८४ हण्डर भोग्नु पर्ने जीवन दिनुभयो। त्यो सबै कठिन घडि र हण्डर भोगेर, झेलेर अनि दुनियाँसँग लडेर म अहिले बज्र जस्तो बलियो र सतिशाल र अग्राखको काठ जस्तो कठोर अनि नहार्ने भएको छु। दर्जनौं आक्रमण हुँदा पनि म एक्लै झेल्न सक्छु।

२. मैले मागे, हे प्रभू; मलाइ संसारको सबै भन्दा धेरै बुद्धिमानी र समृद्धि भएको मान्छे बनाउनुहोस्। मेरो बुद्धिले दुनियाँ चालोस अनि म दुनियाँको मालिक हुन सकुँ। मैले दुनियाँलाइ मेरो दिमाग अनुसार नचाउन सकुँ। तर मेरो लागि भगवानले त्यसो गर्नु भएन, मेरो एक पनि बिन्ति सुन्नु भएन। तर भगवानले मलाइ शरीरका सबै अङ्गभन्दा कमलो, हड्डी पनि नभएको, गिलो र थल-थल गर्ने तर सबै अङ्गभन्दा शक्तिशाली, दुनियाँका बारे सोच्न र निर्णय गर्न सक्ने शरीरको केन्द्रबिन्दु गिदी यानेकी दिमाग दिनुभयो।

म मेरो दिमागले त्यस्ता खाले कुरा एकैपटक होइन बिस्तारै सिक्दै, बुझ्दै र अझै धेरै बुद्धिको समृद्धि लिन सक्छु। यति मात्र होइन उहाँले मलाइ गिदी बनाइद दिएर समाज र दुनियाँका सयौं, हजारौँ, लाखौँ र करोडौं खाले समस्या पस्केर ती सबैलाई समाधान गर्न लगाउनु भयो। मैले धेरै भन्दा धेरै समस्यासँग जुधेको छु। धेरै हल गरेको पनि छु, कति बाँकी छन र कति त अझै पनि दैनिक रुपमा मात्र होइन पल पलमा आउने गरेका छन्। तर पनि म हरेस खान्न। किनकी, मलाइ भगवानले सोचेर, बुझेर र पढेर समाधान गर्ने गिदी दिनुभएको छ।

३. मैले मागे, हे भगवान; मलाइ दुनियाँका जे जाति असल, उत्तम र बृहत्तर कुरा छन् ती सबै सजिलै प्राप्त गर्न सक्ने साहस र शक्ति दिनुहोस। त्यस्ता कुराले म मज्जा लिएर जिन्दगीमा उत्कृष्ट व्यक्ति हुन सकुँ। तर उहाँले त उल्टै मलाइ खतरा र जोखिमपूर्ण मानिसहरुको जीवनका खेल र विभाजित समाजको खेल दिएर युद्ध जस्तो मैदानमा होमिदिनु भयो। प्रतिफलमा ति सबै कुराहरुसँग बिजयी हुनको लागि आदेश दिनुभयो। म हाम्रो समाज, नेपाली समाज, अमेरिकी समाज सबैको भोगाइले धेरै कुरा समाधान गर्न सक्ने व्यक्ति भएको छु।

४. मैले मागे, हे भगवान; मलाइ छिट्टै, अहिले नै तथास्तु गर्दै सबै कुराले पूर्णता भएको सिद्धिपाप्त जीवन प्रदान गर्नुहोस। अनि म हरेक दिन र साँझ कल्पना गर्थे कि कस्तो हुन्थ्यो यदि यस्तो भए त भनेर। तर भगवानले मलाइ मेरो जीवनमा त्यसो कहिल्यै हुन दिनुभएन। उहाँले मलाइ लामो जीवनको यात्रा, उतार चढाव, मेल-बेलेम, दु:ख-सुख, हाँसो-रोदन-क्रन्दन, मिलन-बिछोड, जन्म-मरण भएका मिश्रित मान्छे र जीवन दिनुभयो। अनि मेरो लागि धैर्यताको लामो जीवनको बाटो पो दिनुभयो। म हरेक समस्या चुड्कीमा समाधान गर्ने जादुको आशार्वाद चाहन्थे तर त्यसलाई बिधि र प्रक्रियामा गएर समाधान गर्ने सिष्टम पो दिनुभयो।

५. मैले मागे; हे भगवान सबै मानिसहरु मिलनसार भएको समाज, देश अनि सारा विश्वो प्रेमपूर्ण भएको रुपमा दिनुहोस। उल्टामा भगवानले मलाइ विभिन्न बिचार, सोच, शरिर, रङ्ग, रोग, पिडा, खुशी, स्वार्थी, असल, ज्ञानी जस्ता सबै मानिसहरु भएको समाज दिनुभयो। उहाँले मलाइ समस्या नै समास्य भएका मानिसहरुको जामत दिएर सबैलाई सहयोग र मिलाएर लैजान आदेश पो दिनुभयो।

६. मैले मेरो लागि मेरो पक्षमा मात्र सबै कुरा गरिदिनको लागि भगवानसँग मागे। अझै पनि मेरो लागि नै माग्दै छु। मैले अरुको लागि केहि पनि मागिन, मेरो, मलाइ र मै मात्र भन्दै मागे। तर उहाँले त मलाइ उल्टा दर्जनौ चुनौती दिएर मौका खोज्न पो जा भन्नुभयो।

७. मैले घुँडा टेकेर संसारको सबै आनन्द मालाई मात्र दिनुहोस भने। म त्यसलाई भरपूर मनोरंजन गर्न चनाछु। म खुशी भएर दुनियाँ देख्न चाहन्छु। अनि भगवानले मलाइ सित्तैमा त्यस्तो केहि पनि दिनुभएन। मेरो जीवन दिएर आफैं दु:ख गरेर आफूलाई जे खुशी लाग्छ त्यो आर्जेर अनि आफैं मनोरंजन गर भनेर पठाउनु भयो। जीवन र उपायका सात घुम्ती बाटो दिनुभयो अनि मैले आफैं गरेर खुशी र शक्ति आर्जिन सक्छु।

८. म जे जे कुरा भगवानबाट चाहन्थे त्यो कुनै पनि कुरा मैले पाइन। तर जे मेरो जीवन चलाउनको लागि, बाँच्नको लागि, समाज र दुनियाँमा इज्जतदार भएर जिउनको लागि आवश्यक थिए ती सबै कुरा पुरा गर्ने उपाय भगवानले मलाइ दिनुभयो।

९. त्यसैले, मेरो प्रार्थनाको जवाफ मिल्यो ! भगवानको नाममा आरती गरेर जे इच्छा छ त्यो पाइदैन रहेछ। तर जे हामीलाई आवश्यक छ ती सबै कुरा आशिर्वादको झरी बनेर बर्सने रहेछ ! अरुको लागि यहाँ अर्थात धर्ती (तल) बाट भगवानको प्रार्थना गर्नुहोस आफ्नो लागि माथिबाट आशिसको झरी बर्सन्छ।

कृष्णार्पण !