दिपक अभिमन्यू

कविता जिवन पानी

Hollywood Khabar October 24,2018 Comments

तन पानी मन पानी
तिम्रो हाम्रो जीवन पानी
जीवन भरको नाता पानी
नाता भित्रको जड पानी

जीवनको यो रहर पानी
आशैआशको यो लहर पानी
जीवन जिउने कला आफ्नै
कसरी जिउने हो ठहर पानी

खडेरीमा साह्रै महत्व पानी
जीवनको पञ्चतत्व पानी
पानी बिना के छ जीवन
जीवनको नशा नशामा पानी

जीवनको यो यात्रा पानी
जवानीको मात्रा पानी
खुशी होस या वेदना
आँखामा बग्ने एउटै पानी

मन पानी तन पानी
मुटुभित्रको आफ्नोपन पानी
जीवनसङ्गको माया पानी
सङ्गै हिड्ने छायाँ पानी
तिम्रो हाम्रो जीवन पानी

सम्बन्धित खबर