कृष्ण के सी, अमेरिका, जुलाई १६, २०१८
भानु जन्मिउन कि मरुन
घाँसीले कुवा खनुन या नेता नै बनुन
या कुवा भत्काएर किचेन हाइड्रो बनाउन
बरु छेउमै बसेर टुलुटुलु हेर्छु
किनकी;
कम्ताको छैन नि म चोर !
भानुहरु बम पड्केर अमर हुनैका लागि मारिउन या मरुन
मेरो खल्ती पुटुस्स भए हुन्छ
आ--त्यो मुला घाँसी होस कि भानु होस मरे मरोस्
मलाइ के को चिन्ता, कम्ताको छैन नि म चोर !!
ढुकेर गोल गर्नु फुकेर जिल पार्नु मेरो काम हो
चाहे कुवा सुकोस कि घाँसी उत्तानो परोस
या गोमनले डसेर तिनमुर्छा परोस
मलाइ के को चिन्ता
किनकी;
कम्ताको छैन म चोर !!!
मौका पाए निम्ताबिनाको बरियात बन्छु म
स्विटहार्ट टेबलमै बसेर बर-बधुलाइ धकेल्दै भुडी फुटुन्जेल खान्छु
सित्तै पाए जत्ति पनि टुच्च-टुच्च पिउँछु
ब्रेक नलिए कुत्ताले काशी पुग्थे भने झैँ
लुखुर लुखुर जता पनि डुली रहन्छु
सांचै भनेको कम्ताको छैन म चोर !!!!
मलाइ न त पुजा गर्नुछ न ब्रत नै बस्नु छ
न देबी नै मान्नु छ न देवता भाक्नु छ न भूत-प्रेतनै जप्नुछ
जस्सरी भएनी मेरो पेट पुटुस्स पार्नुछ
मै खाउँ मै लाउँ मलाई के मतलब त्यो भानुको
कम्ताको छैन र म चोर ???
***२०५ औं भानु जयन्तीका अवसरमा अन्तर्राष्ट्रिय नेपाली साहित्य समाज नर्दन क्यालिफोर्नियाद्धारा आयोजित कार्यक्रममा वाचन गरिएको**
धन्यवाद !
कृष्नार्पण !
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...