-Tirtha Raj Adhikari

चमेराहरू

Hollywood Khabar June 05,2020 Comments

-तीर्थराज अधिकारी,गोरखा, लप्सीबोट; हाल:सरस्वतीनगर, काठमाडौँ-६, मे ५, २०२०

घामका उज्याला किरण
धर्तीमा रहुन्जेल अत्तालिए
अपराधीले आत्महत्या गरेझैं
विनाहलचल
रूखका हाँगाहाँगामा
निस्पट्ट गुफाहरूमा
आँखा नखोली झुन्डिरहने
चमेराहरू।

रातको आगमनलाई वरदान मानेर
आँखा खोल्दै
हर्षले पुलकित हुँदै
लाटोकोसेराहरूका गीत- संगीतमा
लठ्ठिॅंदै, नाच्दै
स्वागतमा तत्पर हुन्छन् ।

पशुहरूजस्तै छन् चमेराहरू
बच्चा जन्माउॅंछन्
स्नेहले बच्चा च्याप्दै
स्तन चुसाउॅंछन् ।

चराहरूजस्तै छन् - चमेराहरू
गुँडमा बस्दै
पखेटा चाल्दै
आकाशमा कावा खान्छन् ।
चमेराहरू
दिन घर्किॅंदा रातमा आराम गर्दै
निद्राले लठ्ठिॅंदै ढलेका
पशुहरूका बास चियाउॅंछन्
चाल मारेर
तिनका मुहार नियाल्दै
शिर सुम्सुम्याउॅंछन्
प्रतिरोधको सम्भावना
शून्यतालाई विचारेर
सिङ सम्याउॅंछन्
खुर रित्याउॅंछन्
 
 
जाति-स्वजातिका छाती चर्काउने
शिरदेखि पाउसम्म
रेबिज रोपेर
सुनसानमै सुटुक्क बिदा हुन्छन् ।

चमेराहरू
बचेराहरूका चारा खोज्दै
दिनका श्रमले गलेर
रातमा बचेराहरू नै च्याप्दै
गुॅंडमा उॅंघिरहेका
स्वजाति चराहरूलाई पनि
तिनका निद्रा चपाउॅंदै
आफ्ना नङ्ग्राहरूका तागत देखाउलान् !

पाइन चढेका
आफ्ना दाह्राहरूका
कर्म के हुन् ? बताउलान् !!

आखिर खाडल नपुरे
ज्वाला दन्किन्छ - पेटमा !

पर्दाभित्र - पर्दाबाहिर
चलिरहन्छ - नाटक !

आवश्यकता परिपूर्तिमा
सिकारी कलाका निपुणताले
समय पर्गेल्दै
बगर ढुक्छन् - बकुल्लाहरू !!
सगर - बगर डुल्छन् - चमेराहरू !!

**तीर्थराज अधिकारीका अरु कविता**

पीपलका पातहरू

जगत् चिडियाखाना

उभिएकै छन्-बिचरा बुख्याँचाहरू

आफन्त

तिमी खुसी नै छौ

आगो उसै जन्मिँदैन

उस्तै-उस्तै रूपहरू

माया, नाता र आफन्तहरू

लिफ्टबाट झर्दै

कलाकार नेताहरू

मेरो प्रजातन्त्र

नवजीवनको प्रतीक्षामा

डाक्टर साहेब

यसरी उठ्छ यथार्थ

बुद्धिजीवी:अनौठो किंवदन्ती

भीमोदय

पानी

पाठशाला कता खोजौॅं

आज नेपाल बन्द छ ! (४)

आज नेपाल बन्द छ- ३

आज नेपाल बन्द छ- २

आज नेपाल बन्द छ-१

मकैका फूलहरू

सपनामा हराएको बिपना

बोटको अठोट

भलिबल

भ्रमजाल

भेडा र गोठालाहरू

सत्ता

के प्रयोजन

स्वतन्त्रता !

राजनीतिका जुवाडेहरू

कवि र दुनियाँ

सलाम मुटुका मालिकहरूलाई

घडीको टिकटिक

बग्गीका घोडाहरू