-एनआरएनए एनसीसी कोरियाको पन्जिकृत सदस्यता संबन्धि ५६ संस्थाको संयुक्त विज्ञप्ति

एनआरएनए एनसीसी कोरियाको पन्जिकृत सदस्यता संबन्धि ५६ संस्थाको संयुक्त विज्ञप्ति

Hollywood Khabar May 24,2021 Comments

राजन कुँवर, सौल, कोरिया, मे २४, २०२१

गैरआवासिय नेपाली संघ राष्ट्रिय समन्वय परिषद (एनआरएनए एनसीसी) कोरियाको पन्जिकृत सदस्यता आवेदनको समय थप गर्न दक्षिण कोरियामा क्रियाशिल नेपाली संघ संस्थाहरूले माग गरेका छन्। संघ-संस्थाहरूले एक संयुक्त बिज्ञप्ति सार्वजानिक गर्दै तत्काल समय थप गर्न माग गरेका हुन्।

विज्ञप्तिमा संस्थाहरूले एनआरएनए एनसीसी कोरियाले पन्जिकृत सदस्यता आवेदनको समयबारे जानकारी नदिएर अधिकांशले एनआरएनहरुको सदस्य बन्नबाट बन्चित हुनु परेको भन्दै एनआरएनए एनसीसी कोरियाको ध्यानाकर्ण गराएका हुन्।

एनआरएनए एनसीसी कोरियाले मे २२, २०२१ सम्ममात्र पन्जिकृत सदस्यता आवेदनको समय तोकेको थियो।तर ति संघ संस्थाहरूले मजदुरमैत्री हुने भनेर दाबी गर्ने नेतृत्वले मजदुरहरूलाई नै सदस्यताहुनबाट बन्चित गराउनु न्याय संगत नभएको भन्दै एनआरएनए एनसीसी कोरियालाई सबै वर्ग र समुदायको साझा संस्था बनाउन अपिल गरेका छन्। त्यस्तै केहि दिन देखि अधिकांशले सार्वजानिक सुचनाको अभाव, प्राविधिक कठिनाईको कारणले धेरैले आवेदनमा कठिनाई भएको र समय अपर्याप्त भएको भन्दै सामाजिक सन्जालमा समेत आक्रोश पोखिरहेका छन्।

प्रेस बिज्ञप्ति

मिती: २०२१/०५/२

गैरआवासिय नेपाली राष्ट्रिय समन्वय परिषद दक्षिण कोरियाले कोरियाबासी नेपालीहरूको भावना बिपरित पन्जिकृत सदस्यता आवेदनको मिती बन्द गरेको प्रति हाम्रो गम्भिर ध्यानाकर्ण भएको छ।

प्रवासमा रहेका सबै तह र तप्काका नेपाली समुदायको साझा संस्था दाबी गर्ने संस्थाले अन्य नेपाली संघ संस्था संग परामर्श गर्नुको साटो सार्वजानिक सन्चार माध्यामलाई समेत जानकारी नै नदिई बहुसंख्यक कोरियाबासी नेपालीहरु एनआएनको सदस्यता प्राप्त हुनबाट बन्चित हुने अवस्था प्रति हाम्रो आपत्ति रहेको जानकारी गराउँदछौ।

वर्तमान कार्यसमितिकै पदाधिकारी सदस्यहरु लगायत एन आर एन अभियानका अग्रज अभियन्ताहरु समेतले सदस्यताको समय बढाउन र सबैलाई समेटेर लैजान आग्रह गर्दा समेत बेवास्ता गर्नुले वर्तमान नेतृत्वको नियत माथी नै शंका पैदा भएको छ। कोरियामा कार्यरत अधिकाँश मजदूरहरूलाई एनआरएन अभियानबाट अलग हुने किसिमको यस्ता गतिबिधी नगर्न हामी वर्तमान नेतृत्वको गम्भिर ध्यानाकर्ण गराउन चाहान्छौँ।

पन्जिकृत सदस्यता आवेदन खुल्ला गर्दा यहाँ क्रियाशिल नेपाली संघ संस्था सहित पत्रकार सम्मेलन गर्ने बिगतको सामान्य प्रक्रिया समेत पुरा नगर्नु,अधिकाँश मजदुर कार्यरत रहेको कोरियामा आईतवार सम्म समय दिनुको साटो शनिवार नै सदस्यता आवेद बन्द गर्नुले कोरियाका मजदूहरूलाई उपेक्षा गरेको हामीले महसुश गरेका छौँ।

सर्भरको समस्या लगायत अनेकौँ प्राविधिक समस्याको कारणले बहुसंख्यकले सदस्यता आवेदन गर्न नसकेकोले कम्तिमा २ हप्ता समय थप गरि एनआरएन कोरियालाई सबै अट्ने र सबैको साझा संस्थाको रूपमा अगाडी बढाउन अपिल गर्दछौँ। हामी एनआरएन कोरियाको सबै गतिबिधीमा हातेमालो गर्न चाहान्छौँ तर हाम्रो यो अनुरोधलाई बेवास्था गरिएको खण्डमा हामी तल उल्लेखित नेपाली संघ संस्थाहरू एनआरएन कोरियाको कुनै पनि गतिबिधामा संलग्न वा सहकार्य गर्न असमर्थ हुने जानकारी गराउँदछौँ।

धन्यवाद!