-एनआरएनएका सबै तहका महाधिवेशनका बाँकी गतिबिधि रोक्न परराष्ट्र मन्त्रालयको निर्देशन

एनआरएनएका सबै तहका महाधिवेशनका बाँकी गतिबिधि रोक्न परराष्ट्र मन्त्रालयको निर्देशन

Hollywood Khabar September 11,2021 Comments

कृष्ण के सी, अमेरिका, सेप्टेम्बर १२, २०२१

गैरआवासीय नेपाली संघ (एनआरएनए) को १० औं महाधिवेशन आगामी अक्टुवर २३, २४ र २५ मा हुने र अक्टुवर १० मा अनलाइनबाट चुनाव हुने निर्णय गरिएको छ।

तर महाधिवेशनका लागि प्रतिनिधि चयनमा ब्यापक अनियमितता भएको बिषयलाइ लिएर विश्वो ब्यापी रुपमा चर्चा मात्र होइन मन्त्रालयमा अपिल नै परेको छ। नेपालको परराष्ट्रमन्त्रलायले एनआरएनएलाइ सो संबन्धि निर्देशन नै दिएको छ।

१. नेपाल सरकारको परराष्ट्र मन्त्रालयमा निवेदन परेका कारण सोहि निवेदनलाइ संबोधन गर्दै नेपाल सरकारको परराष्ट्र मन्त्रालयले गैरआवासीय नेपाली संघको अन्तराष्ट्रिय समन्वय परिषद र राष्ट्रिय समन्वय परिषदका सबै महाधिवेशन गतिबिधि रोक्न निर्देशन दिएको छ।

२. परराष्ट्र मन्त्रालयका सहसचिव भरत कुमार रेग्मीले हस्ताक्षर गरेको निर्देशन पत्रमा महाधिवेशन प्रतिनिधि चयन संबन्धि छानविन गर्न २०७८/५/२५ मा एक अनुगमन समिति गठन भएको जानकारी दिइएको छ।

३. अनुगमन समिति गैरआवासीय नेपाली संबन्धि निमवाली २०६६ को नियम १६ बमोजीम अनुगमन गर्न पराष्ट्रमन्त्रालयको नीति, योजना, विकास, कुटनीति तथा बिदेशमा रहेका नेपाली संबन्धि महाशाखाका प्रमुखको संयोजकत्वमा कानुन, न्याय तथा संसदीय मामिला मन्त्रालय (कानुन संबन्धि अधिकारी) र संचार तथा सूचना प्रविधि मन्त्रालय (प्रबिधि बिज्ञ) प्रतिनिधि रहेको एक अनुगमन समिति गठन गरिएको जानकारी दिइएको छ।

४. उक्त अनुगमन समितिले आफ्नो प्रतिवेदन पेश नगरेसम्म अन्तराष्ट्रिय समन्व परिषद तथा राष्ट्रिय समन्वय परिषदका निर्वाचन संबन्धि बाँकी प्रक्रिया स्थगन गर्न निर्देशन गरिएको छ।

५. नेपाल सरकारको गैरआवासीय नेपाली संबन्धि नियमावली २०६६ को ब्यबस्था ५ को नियम २ को उपनियम १ मा परराष्ट्र मन्त्रालयले गैरआवासीय नेपाली संघको अनुगमन गर्ने सक्ने ब्यबस्था छ।

६. सोहि निमवाली २०६६ को ब्यबस्था ५ को नियम २ को उपनियम १ मा परराष्ट्र मन्त्रालयले गैरआवासीय नेपाली संघको अनुगमन गर्ने सक्ने ब्यबस्था छ। उपनियम २ को २ मा यस्तो अनुगमन गर्दा संघको काम कारबाहीमा कुनै सुधार गर्न आवश्यक देखिएमा मन्त्रालयले आवश्यक निर्देशन दिन सक्नेछ भनिएको छ। सोहि खण्डको उपनियम २ को ३ मा दिएको निर्देशन पालन गर्नु संघको कर्तब्य हुनेछ भनिएको छ।