कृष्ण के सी/अमेरिका/५/३१/१९
केहि समय पहिला रातोपाटीले बेलायतमा बस्दै आएका भौतिकशास्त्रका बैज्ञानिक डा हेमराज शर्माको जीवनी र गैरआवासीय नेपाली संघ (एनआरएनए) मा उनको संलग्नतालाइ समेट्दै एक लेख पोष्ट गरेको थियो। धेरैजनाले उनको जीवनी पढेर सहि कुरा पढेको महसुस गरेको भन्दै आफ्नो फेसबुक वालमा ब्यक्त गरेका थिए ।
उनै डा हेमराज शर्मा यो पटक गैरआवासीय नेपाली संघको महासचिवको लागि उम्मेद्वार हुने भएका छन् । भौतिक शास्त्रका बैज्ञानिक डा शर्मा एनआरएनएको आगामी अक्टुवरमा हुने निर्वाचनका लागि महासचिवका उम्मेद्वार हुने भएका हुन् । संघको स्थापना काल देखि नै कुनै न कुनै भूमिकामा रहेका डा शर्मा संघको पुर्व प्रवक्ता पनि हुन्। खासगरी संघको बिधान कमिटीमा बसेर लामो समय देखि काम गरेका छन् डा शर्माले।
हुन त डा शर्माले कतै पनि औपचारिक रुपमा आफू महासचिवको लागि उम्मेद्वार हुने कुरा बताएका छैनन। हलिउडखबरसंगको कुराकानीमा उनले आफू महासचिवको उम्मेद्वार हुने कुरा सत्य भएको बताए। शर्माबारे रातोपाटी डटकममा प्रकासित उक्त लेख यहाँ जस्ताको तेस्तै साभार गरिएको छ:
उतिबेला अङ्ग्रेजीमा उति आकर्षण थिएन । त्यसमाथि सरकारी विद्यालय । अरुले जस्तै उनले पनि कक्षा ३ मा पुगेपछि एबीसीडी सिके । एसएलसी दिँदासम्म पनि अरु विषयको तुलनामा उनको अङ्ग्रेजी कमजोर नै थियो । तर, निरन्तरको मेहनत, लगाव र परिश्रमले उनले निरन्तर प्रगति गर्दै गए, अर्थात् अध्ययन र करिअरमा आफूलाई अब्बल सावित गर्दै गए ।
डा हेमराज शर्मा बागलुङको अमलचौमा जन्मिएका शर्माको विगत जति सरल छ उति नै रोचक पनि छ । आफ्नै बलबुतामा निरन्तरको मेहनत र परिश्रमको फलस्वरुप उनी अहिले गैरआवासीय नेपाली संघ (एनआरएन)को एक प्रभावशाली हस्तीका रुपमा दरिनमात्रै पुगेका छैनन् बेलायतको लोकप्रिय विश्वविद्यालय लिभरपूलमा सिनियर लेक्चरको रुपमा समेत कार्यरत रहेका छन् ।
एनआरएनभित्रको बौद्धिक, प्रभावशाली र भिजन भएका व्यक्तित्व मानिने शर्मा संस्थाभित्र संकट आइपर्दा निकास दिने एक कुशल संगठक मानिन्छन्। पूर्वअध्यक्ष उपेन्द्र महतो, जीवा लामिछानेदेखि शेष घलेको अगाडि प्रभावशाली उपस्थिति जनाउने हैसियत राख्ने शर्मा एनआरएनभित्रको एक ‘प्लान सेटर’ समेत मानिन्छन् । सन् २००५ देखि एनआरएनमा जोडिइ हाल विधान समितिको संयोजक रहेका शर्मा संघलाई व्यवस्थित बनाउने अभियानमा लागिपरेका छन् ।
अध्ययन–अध्यापन र एनआरएनसम्म अहिले शर्मालाई जुन उचाइ मिलेको छ, त्यो सामान्य मेहनत र परिश्रमबाट पक्कै सफलता मिलेको होइन । शर्मामा ठूलो उद्देश्य केही थिएन, अगाडि जे आउँथ्यो त्यो चाहिँ राम्रो गर्ने भन्ने नै थियो । त्यही अगाडि आएका चुतौति सामना गर्ने क्रममा उनलाई पहिलो सफलता त मिल्यो नै एउटा इतिहास नै ब्रेक गर्ने काम पनि भयो । अर्थात २०४५ सालमा उनी एसएलसीमा बागलुङको जनतामावि नारायणस्थानबाट त्यतिबेलासम्मकै सर्वाधिक ७३ प्रतिशत अंक ल्याएर जिल्ला प्रथम भए। उनी भन्छन्, ‘कक्षा ७ सम्म पृथ्वी हिरण्य मावि पढ्दासम्म औसत विद्यार्थी हुँ । मेरो बुबा शिक्षक हुनुहुन्थ्यो उहाँकै प्रेरणाले निरन्तर पढाइमा मेहनत गर्दै गएँ र एसएलसीमा त्यो सफलता हासिल गर्न सफल रहेँ ।
डाक्टर बन्ने सपनामा पूर्णविराम
एसएलसीमा उत्कृष्ट बनेसँगै उच्च शिक्षा अध्ययनका लागि काठमाडौं आए शर्मा । तर काठमाडौं पनि कहाँ सहज थियो र ! त्यतिबेला अहिलेजस्तो सडकको सहज सुविधा थिएन। एक दिन हिँडेर स्याङ्जाको नागडाँडा पुगेपछि बस चढेर काठमाडौं आउनुपथ्र्यो। तत्कालीन अवस्थामा पहाडी परिवेशको यथार्थ कथा पनि त्यही थियो । मनभरी डाक्टर बन्ने सपना बोकेर बसको यात्रा तय गरे शर्माले । बुबाआमाको चाहना थियो छोरालाई डाक्टर बनाउने ।
बाबुआमाको इच्छामा मुन्टो हल्लाउँदै शर्मा काठमाडौं आएपनि उनको डाक्टरीको लागि लिइने प्रवेश परीक्षामै नाम निस्किएन । अझैं पनि डाक्टर नै बन्ने झिनो आश बोकेर अमृत साइन्स क्याम्पसमा बायोलोजी ज्वाइन गरेका उनलाई केही महिना पढेपछि चित्तै बुझेन र फिजिक्स पढ्न भर्ना भए चि–त्रन्द्र क्याम्पस । आफ्नो छनोट र रुचिको विषय फिजिक्स हो भन्ने त्यतिबेला थाहा भयो जतिबेला उनी चित्रन्द्रबाट आइएस्सी प्रथम वर्षमा क्याम्पस प्रथम नै भए । रोचक त के थियो गाउँले केटो भन्दै शहरिया भनिनेहरुले त उनलाई त्यतिबेलासम्म चिन्दासम्म चिन्दैनथे ।
गाउँबाट आएकाले हामीलाई शहरमै हुर्किएकाहरुले राम्रो व्यवहार गर्दैनथे । बोर्डिङ स्कुलमा पढेकाहरु उहाँहरुको लवाइ, खबाइ, हिँडाइ, नित्तान्त फरक परिवेश थियो । धनीमानी भनिएकाहरु बाट पेलिएको महसुश भइन्थ्यो, उनी स्मरण गर्छन्, ‘त्यतिबेला काठमाडौंमा एडजस्ट हुन नै गाह्रो थियो । तर आइएस्सीको परीक्षामा प्रथम भएपछि उहाँहरु नै नजिकिनु भयो । त्यसपछि चाहिँ कुनै समस्या भएन ।
पहिलो वर्षमात्रै होइन दोस्रो वर्षसमेत क्याम्पस टप रहे । त्यसपछि त्रिचन्द्रमै बीएस्सीमा पनि प्रथम त भएनै डिटिंसन नम्बर नै आयो । उनको यो सफलता त्यसै सहज थिएन । गाउँले परिवेशमा जन्मिहुर्केको, अंग्रेजीमा पनि खासै अब्बल नभएका उनलाई आफूलाई प्रमाणित गर्न सुरुमा कम्ता चुनौति थिएन । तर मेहनत नै सफलता हो’ भन्ने मूलमन्त्रलाई आत्मसाथ गर्दै उनले आफूलाई प्रमाणित गरिछाडे। उनको अध्ययनमा सफलताको यात्रा अझैं रोकिएन फिजिक्समै उनी स्नाकोत्त्तर तहको त्रिवि गोल्ड मेडलिस्ट पनि बन्न सफल रहे ।
त्यतिबेला हामी सपना देख्ने नै थिएनौं । हाम्रो ठूलो योजना भनेको काठमाडौं जानेमात्रै थियो । त्यसपछि कहाँ जाने, के गर्ने भन्ने अरु महत्वकाँक्षा नै बनेन’ शर्मा स्मरण गछ्र्रन् तर अगाडि आएको चुनौतिलाई चाहिँ डटेर सामना गर्नुपर्छ भन्ने संकल्प थियो । त्यही संकल्पलाई पार लगाउने क्रममा उनी अध्ययनमा अब्बल सावित भए । उनी भन्छन्, सा–साना उद्देश्य लिएर अघि बढियो । सायद उतिबेला ठूलो उद्देश्य बोकेको भए अहिलेको ठाउँमा पो पुगिदैन थियो कि ।
यद्यपि अहिलेको युवा पुस्तामा भने स्पष्ट लक्ष्य निर्धारण हुनुपर्ने उनी बताउँछन् । त्यसैले त उनी अहिले आफूले बाल्यकालमा अध्ययन गरेको पृथ्वी हिरण्य विद्यालयलाई सुविधासम्पन्न र प्रविधिमैत्री बनाउने अभियानकर्मीमध्ये एक भएका छन् । उनी, व्यवसायी चन्द्र ढकाललगायतको पलहमा अहिले अमलचौरको पृथ्वी हिरण्य विद्यालयमा ६ करोडको लागतमा अत्याधुनिक विद्यालय निर्माण भएको छ भने विद्यालयमा सुविधासम्पन्न पुस्तकालय पनि स्थापना भएको छ ।
सोही विद्यालय हस्तान्तरण कार्यक्रममा सहभागी हुन नेपाल आएको अवसरमा उनले भने, विद्यार्थीलाई सपनामा देखाउन सकियो भनेपनि उसले आफ्नो लक्ष्य पहिले नै निर्धारण गर्नेबारे सोच्छ। त्यसका लागि विद्यालय सुविधासम्पन्न हुनुपर्ने भन्ने सोचेर हामी लागिपरेका थियौं ।
Click the link below for Dr Sharma Personal Page:
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...