Hollywoodkhabar advertisement

माटाे पानी रगत पसिना हाे नि याे जिन्दगानी

-Pipal Mani Sigdel
0
shares

-पीपलमणि सिग्देल, जुन १५,२०२०

आमा तिम्राे नयनतलमा आँसुकाे भेल देख्दा !
पाखा बेसी सकल जगमा त्रासकाे खेल देख्दा !
भेरी बग्छिन् रगत जसरी रातकाे विम्ब बन्दै !
मेराे छाती चरचर भयाे ओखती के छ भन्दै ! ?

काेही आए जनमनलुटी याेजना गर्नलाई !
सेवा हाे वा स्वजनहितकाे डम्फु आफ्नै बजाई ।
तेराे मेराे दिनभर भनी व्यर्थ यात्रा बिराए !
थैलाे आफ्नै मलजल हुने राष्ट्रकाे गीत गाए !

गाेली-गठ्ठा लिइकन मरे युद्धमा भाइभाइ !
आफ्नै छानाे समथल भयाे लाैन भूकम्प आई ।
काेराेनाकाे कहर पनि याे काल बाेकेर आयाे !
कालापानी तिर रिपु बनी लाैन काे सल्बलायाे ?

खाटाे छाेप्दै सकल जगमा दीप बालेर हेराैं
कान्ला बारी लहलह हुने देश आफैं सिंगाराै !
आऊ साथी सहज मनले रच्न सक्छाैं कहानी !
माटाे पानी रगत पसिना हाे नि याे जिन्दगानी !!

मेची-काली नवनव कला राेपिने मन्च भर्दै
जागौं आजै सकल पृथिवी दिव्य उल्लास छर्दै ।
खोजौं नौलो सबजन मिली एकताको मदानी
रोजौं छुट्टै नव किरणको सिर्जनाको बिहानी ।।

ADVERTISEMENT-----