प्रेमिला गौचन/टोकियो,जापान/ओक्टूबर,२०
राष्ट्रपति विद्यादेवी भण्डारी म्यान्मारका राष्ट्रपति विन मिन्तको मैत्रीपूर्ण निमन्त्रणामा म्यान्मारको राजकीय भ्रमण पूरा गरी आज बेलुका जापान आइदै हुनुहुन्छ ।
थाइ एयरवेजबाट थाइल्याण्डको बैंकक हुँदै राष्ट्रपति भण्डारी २४ जनाको प्रतिनिधिमण्डल सहित राति क़रीब ९:३० बजे जापान आई पुग्ने कार्यक्रम रहेको छ । राष्ट्रपति भणडारीलाईलाई स्वागत गर्न राजदूत प्रतिभा राणा सहितका कर्मचारीहरु नारिता विमानस्थल पुगी सकेका छन ।
प्रतीनिधिमण्डलमा गृहमन्त्री राम बहादुर थापा 'बादल' ,परराष्ट्र सचिव शङ्करदास वैरागी, राष्ट्रपति कार्यालयका सचिव डा.हरि पौडेल, राष्ट्रपतिका प्रमुख स्वकीय सचिव डा. भेषराज अधिकारी तथा परराष्ट्र मन्त्रालय र राष्ट्रपति कार्यालयका उच्चपदस्थ अधिकारी,७ जना पत्रकार, सहित केही शाही सेनाका जवान पनि उपस्थित हुने टोकियो स्थित नेपाली राजदूतावासले जनाएको छ ।
गृहमन्त्री थापा भने सिधै नेपालबाट प्रस्थान गरी राष्ट्रपती भण्डारीसँग बैंककमा सामेल भइ आउन लागेका हुन । जापानी सम्राट नोरुहितोको यही कात्तिक ५ गते हु राज्याभिषेकमा सहभागी भई नेपाली प्रतिनिधिमण्डल कात्तिक ६ गते स्वदेश फर्कने कार्यक्रम रहेको छ । राष्ट्रपति भण्डारी असोज २९ गते म्यानमार प्रस्थान गर्नुभएको थियो । पाँच दिने भ्रमण सकेर राष्ट्रपति भण्डारी आज जापान आउन लाग्नु भएको हो ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...