सरकारले होटल,रेष्टुरालगायत रात्रीकालीन व्यवसाय सञ्चालनका लागि १४ सदस्सीय कार्यदल गठन गरेको छ । गृह मन्त्रालयका प्रवक्ता एवं सहसचिव फणिन्द्रमणि पोखरेलको संयोजकत्वमा अध्ययन कार्यदल गठन गरिएको हो । कार्यदलललाई होटल,रेष्टुँरा रात्रीकालीन मनोरञ्जन एवं पर्यटन व्यवसाय सञ्चालनका लागि अध्ययन तथा सुझावसहितको प्रतिवेदन पेस गर्न एक साताको समय तोकिएको छ ।
कार्यदलमा संस्कृति,पर्यटन तथा नागरिक उड्डयन मन्त्रालय, उद्योग वाणिज्य तथा आपूर्ति मन्त्रालय, स्वास्थ्य तथा जनसंख्या मन्त्रालयका प्रतिनिधि, काठमाडौंका सहायक प्रजिअलाई सदस्य तोकिएको छ । त्यस्तै, गृहका सहप्रवक्ता दिलकुमार तामाङलाई सदस्यसचिव तोकिएको छ । कार्यदलमा निजी क्षेत्रबाट होटल एसोसिएसन अफ नेपालका हानकी अध्यक्ष सिर्जना राणा, नेपाल राष्ट्रिय लोकदोहरी संघका अध्यक्ष विनोद श्रेष्ठ, ठमेल पर्यटन परिषद्का उपाध्यक्ष राजुमान डंगोन, हान च्याप्टर पोखराका सदस्य लक्षमण सुवेदी, भैरहवाका होटल व्यवसायी चन्द्रप्रकाश श्रेष्ठ, नेपाल पर्यटन व्यवसायी संघका अध्यक्ष दीपक महत लगायत छन् ।
कार्यदललाई होटल लगायत मनोरञ्जनात्मक व्यवसायको सूचीकरण र वर्गीकरण गर्ने, सञ्चालनका लागि पालना गर्ने आचारसंहिता र मापदण्ड, कोभिडको असर, मजदुरहरूको हकहितलगायतलाई प्रतिवेदनमा समेट्न भनिएको छ । गृह मन्त्रालयले होटल रेष्टुरेन्टहरूले उठाउँदै आएको सेवा शुल्क हटाउने सम्बन्धी पनि प्रतिवेदनमा केही सुझाव पेस गर्न भनेको छ ।
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...