-शान्ता सापकोटा खनाल/आरुघाट ८, गोरखा
दिन र रातको भिन्नता नहुने
साधन र सुबिधाले सम्पन्न
उन्मुक्त हाॅंसो छाइरहने
स्वर्गतुल्य !
सपनाका सुन्दर संसारमा
त्रासै त्रासले होस हराएको छ
ती सुकिला अनुहारहरूमा
आज
देख्दैमा दिक्क लाग्ने
मलिनता छाएको छ !
त्यहाॅं निरन्तर-
सागरमा पौडिएका कुरा हुन्थे
सगरमा उॅंडिएका कुरा हुन्थे
ग्रह र उपग्रहहरूका कुरा हुन्थे
धर्ती नाघिसकेका कुरा हुन्थे
प्रकृति जितिसकेका कुरा हुन्थे
रोग र उपचारका कुरा हुन्थे
मानव अंग अंगका कुरा हुन्थे
ज्ञानभन्दा अग्ला विज्ञानका कुरा हुन्थे
भाषा नै हराए झैं
सबैका ओठहरू बन्द छन्
शोक छ
भोक छ
सबैका आंखा भिजेका छन् !
गए हारेर कति जीवनबाट !
बचेकाहरू पनि सुस्केरामा छन्
थाहा छैन
कतिखेर ? कसमाथि ?
हात फैलाउॅंछ - मृत्युले !
सबै सबै भयभीत छन् !
भत्किएर घमन्डका अग्ला पर्खालहरू
जमिनमा असरल्ल छन्
सम्झनामा आउन थालेका छन्
अतीतका वनपाखाहरू !
उपहासले कुल्चिएका
बुटी र वनस्पतिहरू !
जप्न थालिएका छन्
बिर्सिॅंदै गएका
राम र कृष्णहरू
बुद्ध, अल्लाह र इसुहरू !
ठान्दै थियो - मान्छे
आफैंलाई सर्वोच्च
आफैंलाई शक्तिशाली
आफैंलाई सर्वज्ञ !
प्रकृति माता !
गराएर कम्पन
फुटाएर ज्वाला
उठाएर सुनामी
चलाएर बाढी
तोडिदियौ - उसको सेखी
गलाएर उसलाई
बनाइदियौ - पानी पानी
भो ! अब रोक त्यो खेल
पुछ , अब उसको - आंसु
हटाऊ उसको - भय
बचाइदेऊ उसको - अस्तित्व
पोलिरहेको उसको - छातीमा
लगाइदेऊ
तिमी शीतल मलम !
सिफारिस
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!
हारेको कांग्रेसको रुन्चे ढिपीका कारण गृहमन्त्रीले पेश गर्ने बिधेयक सुच...