Hollywoodkhabar advertisement

कस्तो बिऊ रोप्यौ तिम्ले ?

- सोनी शर्मा 
0
shares

कृषि क्रान्ति छालांग मार्दै 
बुरुक बुरुक उचालिदै 
निषेधित अंगमा थुतुनो जोत्ने 
दाम्लो चुडाएको साँढे जस्तो 
कस्तो बिऊ रोप्यौ तिम्ले ? 

धानको बिऊ घाँटी  भरि
खादा चट्ट सजाएर 
सेलिब्रेटी बिउको मुठो 
एक्कै ठाउँमा झ्याप्प गाड्दै 
कस्तो बिऊ रोप्यौ तिम्ले ?

टाई सुटमा सजिएर 
रोपाईंको मर्म भुल्दै
लडिबुडी मोजमस्ती 
हिलै भित्र गुटुमुटु 
कस्तो बिऊ रोप्यौ तिम्ले ? 

जिउको बस्त्र ठेगान छैन 
कैले माथि कैले तल 
छोप्नु पर्ने देखाएर 
धान दिवस कि?ज्यान दिवस 
कस्तो बिऊ रोप्यौ तिम्ले ? 

असार १५ आउन साथ् 
हिलो खेल्ने बहानामा 
सस्कृति भित्र विकृति रोपी 
खिल्ली उडाउँदै किशानको 
कस्तो बिऊ रोप्यौ तिम्ले ? 

जिम्मेवार हरिलट्ठक खेत पसी 
रोपारको फरिया तान्दै 
लैनो पाडाले जस्तै थुतुनो जोत्ने 
यहि परम्परा थालनी गरि 
कस्तो बिऊ रोप्यौ तिम्ले ? 
 
धान फल्ने खेत भरि 
कंक्रिटको महल हेर 
गमलामा धान रोपी 
विदेश बाट चामल किन्ने 
कस्तो बिऊ रोप्यौ तिम्ले ? 

चिरिएका हात खुट्टा कुरीकुरी गर्छौ किन 
वर्षभरि खेति गर्ने किशानको गौरव माथि 
मस्ती गर्यौ फोटो खिच्यौ 
एक दिने किशान बनि 
कस्तो बिऊ रोप्यौ तिम्ले ? 
 
 

ADVERTISEMENT-----