एनआरएनए साउदी अरबको राष्ट्रिय महाधिवेशन जुलाई २८ मा हुँदै, थापा अध्यक्षमा निर्वाचित

Hollywood Khabar July 23,2023 Comments

गैरआवासीय नेपाली संघ राष्ट्रिय समन्वय परिषद (एनआरएनए एनसीसी) साउदी अरबको राष्ट्रिय महाधिवेशन जुलाई २८, २०२३ मा हुने भएको छ।

एनआरएनएको होटल याक एण्ड यतिमा सम्पन्न संघको १० औं महाधिवेशन पश्चात साउदी अरबमा रहेको विवास र अबैधानिक गतिबिधिलाइ समाधान गर्न गठित तदर्थ समितिले निर्वाचन प्रक्रिया समेत सम्पन्न गरेको छ। निर्वाचनबाट बलराम थापाको अध्यक्षतामा नयाँ नेतृत्व चयन समेत भएको छ।

सोहि अनुसार कमल शाही निर्मल नेतृत्वको एनआरएनए एनसिसी साउदी अरबले आगामी २८ जुलाइ शुक्रबारका दिन दमामकोरोज गार्डेन रेष्टुरेण्टको सभा हलमा राष्ट्रिय महाधिवेशन गर्ने भएको हो। महाधिवेशन भब्य रुपमा तयारी गरिएको छ। सांस्कृतिक प्रस्तुतिका साथमा २०१३ पछि पहिलो पटक सबै नेपालीहरुलाइ खुला आमन्त्रण गरिएको सो महाधिवेशनमा साउदी अरबमा रहनुहुने सम्पूर्ण नेपालीहरुलाइ उपस्थितिको लागि आमन्त्रण र अनुरोध गरिएको छ।

मिति:- जुलाई २८, २०२३ शुक्रबार