कृष्ण के सी, अमेरिका, फेब्रवरी २७, २०२४
म एकतमासले फोनमा अल्मलिएको थिएँ। मेरी आमाले ढोकैबाट भन्नु भयो-कान्छा, सेतो बोरामा २ पाथी कोदो छ त्यसलाई हिराकाजीको कलमा लगेर पिठो बनाएर लेराइज। अनि सुन, त्यो खैरो बोरामा २ पाथी कालो तोरी छ त्यो चाइ चिनकाजीको मिलमा लगेर तेल पेलेर लेराइज। मैले हुन्छ त भने तर मेरो ध्यान फोनमा थियो।
उसै पनि म काममा तेती ध्यान नदिने मान्छे। केहि समयपछि मैले दुवै बोरा मोटरसाइकलमा हालेर तेसै गर्नगएँ। तर मैले भुलेको थिएँ की कुन बोरामा तोरी छ र कुन बोरामा कोदो। म धेरै अल्छी भएको र प्राय यस्तो काम गर्दैनथिएँ। एउटा बोरा मिलमा र अर्को बोरा कलमा लगेर दिएँ अनि पालो कुर्न फोनमा व्यस्त भएँ।
कुरा उल्टो भएछ। तोरीको बोराको ठाउँमा कोदोको बोरा र कोदोको बोराको ठाउँमा तोरीको बोरा परेछ। कल र मिलमा काम गर्नेले हेर्दै नहेरी घानको ओइरो हालेछन, अनि बर्बाद। न तेल आयो न पिठो। उल्टा पिठो पिंध्ने कलमा तोरी पर्दा लेसिएर बिग्रियो अनि तेल निकाल्ने मिलमा कोदो पर्दा न फुलो बन्यो न पीठो, अर्को समस्या। त्यसमाथि मिल र कलवालाको गाली त खाइयो नै घर पुगेर खाने गालीको भाग त बाँकी नै छ।
त्यसलाई समाधान गर्ने या केलाउने, छुट्टयाउने उपाए थिएन। यसबाट हाम्रो कोदो र तोरी दुवै गुमे अर्को तिर गाली खाइयो, मिल र कल बिग्रिए। कन्फ्यूजनमा गरेको हरेक कामले आफूलाई मात्र होइन अरुलाई पनि बिगार्छ त्यसलाई सुधार्न सकिन्न। तर कन्फिडियन्स भएर बिगारेको नै काम भए पनि सकार्न सकिन्छ। कृष्णार्पण
सिफारिस
ललितपुरको बडिखेलमा आगोलागि, एकजनाको मृत्यु
उपनिर्वाचनमा ठुला पार्टीहरुको गिर्दो अवस्था, सेना परिचालन गर्न स्वीकृत...
हत्यामा संलग्न रहेको अभियोगमा सुदिप र उदित ठाकुर पक्राउ
एनआरएनहरुका ३ एजेण्डा, ४ मुख्य काम नै अबको अभियान, बिस्तृतमा