-गीत-बालकुमारी घिमिरे, गजलिका, सेप्टेम्बर २५, २०२२
तराई तिर पाहाकिला फाँट माथि छ हिमाल
पहरा छाँगा नाँगी र चउर क्या राम्रो नेपाल
चउरमा चर्छन् गाई र भैंसी बाख्रालाई भिर छ
सुन्न्दर शान्त सगरमाथा यहीँ हाम्रो शिर छ
अन्तरे सोल्टी सुसेली हाल्छ थुम्कामा बसेर
दोहोरी खेल्छन् ठिटा र ठिटी रोधी घर गएर।
तराई तिर पाहाकिला फाँट माथि छ हिमाल
पहरा छाँगा नाँगी र चउर क्या राम्रो नेपाल।
दुधेरो बोकी गोठालो गयो चौरी गाई दुनलाई
सिलोक भन्दै हालेर भाका क्या दामी सुन्नलाई
घार्र र घुर्र मोही पारी झिको बिर्खेले हातमा घ्यु
बटुको थाप्दै भन्दै छ साहिँलो चाखौंन सोल्टी ज्यु।
तराई तिर पाहाकिला फाँट माथि छ हिमाल
पहरा छाँगा नाँगी र चउर क्या राम्रो नेपाल
बालकुमारी घिमिरेका अरु फुटकर साहित्य
नेपाली साहित्य र संगीतमा रुचि राख्ने इलामकी बालकुमारी घिमिरेको नयाँ गीत
सिफारिस
जगदिश समाल र बबिना भट्टराईको स्वरमा फूल जस्ती माया
अमेरिकाका ईन्जिनियर बिरेन थारु अभिनित गीत
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु