.jpg)
-तिर्थराज अधिकारी,गोरखा, लप्सीबोट हाल सरस्वतीनगर, काठमाडौॅं ६, डिसेम्बर २१, २०२२
सिकारीका मीठा गीतमा लठ्ठिँदै
आनन्द लिएर
आँखा चिम्लिँदा- चिम्लिँदै
तिनकै गोलीले
प्राण गुमाउँछन् - मृगहरू !
निकै चम्किला देखेर
बलिरहेका बत्तीमा
झुम्मिँदा- झुम्मिँदै
त्यहीँ जलेर
निष्प्राण बन्छन् - पुतलीहरू !
मीठो आहाराको लोभमा
बल्छी नै निलेर
त्यसैमा अल्झिँदा-अल्झिँदै
प्राण रित्तिन्छन् -माछाहरू !
फूलको मीठो रस चुस्दा-चुस्दै
फूलका पत्रहरूमै च्यापिएर
प्राण गुमाउँछन्- भमराहरू !
धरापभित्रका
आहारामा लोभिँदा-लोभिँदै
थाहै नपाई
त्यही धरापमा पर्छन्
र,
निर्दयी क्रूरपञ्जाले
छोपिन्छन् - चराहरू !!
**तीर्थराज अधिकारीका अरु कविता**
सिफारिस
हत्यामा संलग्न रहेको अभियोगमा सुदिप र उदित ठाकुर पक्राउ
एनआरएनहरुका ३ एजेण्डा, ४ मुख्य काम नै अबको अभियान, बिस्तृतमा
केप कड नेपाली समाजको साधारण सभा र तेस्रो अधिवेशन सम्पन्न
चिर्पट प्रहार गरी हत्या गरेको अभियोगमा उमेश तामाङ पक्राउ