-पूर्व आइसीसी उपाध्यक्ष कुल आचार्य

एनआरएनए युकेद्वारा आइसीसीका पूर्व उपाध्यक्ष कुल आचार्यको सदस्यता खारेज

Hollywood Khabar September 16,2022 Comments

गैरआवासीय नेपाली संघ (एनआरएनए) बेलायतले गैरआवासीय नेपाली संघ अन्तराष्ट्रिय परिषदका पूर्व उपाध्यक्ष कुल आचार्यको साधारण सदस्यता खारेज गरेको छ।

एनआरएनए युकेको सेप्टेम्बर १६, २०२२ विहिवार बसेको आकस्मिक बैठक तथा संघ-सँस्था प्रतिनिधि सहतिको भेलाले आचार्यलाई साधारण सदस्य समेत नरहने गरी हटाएको हो। एनआरएनए युकेका पुर्व अध्यक्ष समेत रहेका आचार्य बेलायतको पंजीकृत सदस्य भएर संघको अन्तराष्ट्रिय परिषदमा सहभागी र निर्वाचनमा समेत प्रत्यासी हुने गरेका थिए।

गैरआवासीय नेपाली संघमा आफैं अबैधानिक रुपमा रहेका कुल आचार्यले गैरकानुनी रुपमा बिधि-बिधानको प्रक्रियालाइ लात हानेर एनआरएनए युकेका निर्वाचित अध्यक्ष प्रम गाहा मगरलाई पदमुक्त गरेको भन्ने पत्र पठाएर मानहानी गर्दै भ्रम फैलाएका थिए। एनआरएनए युके फुटाउनका लागि उनले विभिन्न गतिविधि गरेको, एनआरएनए बेलायतमा विवाद बढाएर सँस्था फ़ुटाउन लागि परेको लगायत थुप्रै आरोप सहित उनलाई यो कारबाहीको निर्णय गरिएको हो।

सोहि कारण आचार्यलाई एनआरएनए युके दर्ता भएको च्यारिटी कमिशन र एनआरएनए युकेको विधान धारा ४१ अनुसार साधारण सदस्यबाट समेत नरहने गरी हटाइएको कुरा एनआरएनए युकेका प्रबक्ता भरतमणी चोङबाङले न्यूज रिलिजमा जनाएका छन्।

गैरआवासीय नेपाली संघको बिधान अनुसार संघको नेतृत्वमा रहने कुनै पनि पदाधिकारीको सदस्यता होमकन्ट्रीको एनआरएनएमा कायम रहेको हुनुपर्नेछ। बिधानत आचार्यले अब एनआरएनए युकेको सदस्यता नरहेकाले अर्को निर्णय नगर्दा सम्म उनले संघको कुनै पनि जिम्मेवारीमा रहन पाउने छैनन रहेका रहेछन भने पनि स्वतह: बदर हुनेछ।