-एनआरएनए यूकेका वर्खास्त कोषाध्यक्ष खरेलले ४२ हजार पाउण्ड लिएर के गरे?

एनआरएनए यूकेका वर्खास्त कोषाध्यक्ष खरेलले ४२ हजार पाउण्ड लिएर के गरे?

Hollywood Khabar December 29,2022 Comments

गैरआवासीय नेपाली संघ (एनआरएनए) यूकेका वर्खास्त भइसकेका कोषाध्यक्ष विष्णु खरेलले बेलायतमा नेपाल हाउस बनाउन विभिन्न संघसंस्थाबाट संकलित रकम ४२ हजार पाउण्ड बढी लिएर फरार भएका छन्।

एनआरएनए यूके २०१९-०२१ कार्यसमितिले गत वर्ष २३ अक्टोबर २०२१ मा नेपाल हाउस बनाउन भनि उठाइएको ४२ हजार ९७२ पाउण्ड अध्यक्ष प्रेम गाहामगर नेतृत्वको कार्यसमितिलाई हयाण्ड ओभर गरेको थियो। उक्त कार्यसमितिमा कोषाध्यक्ष रहेका विष्णु खरेल अहिले त्यो पैसा आफैंले लिएर फरार भएको बताइएको छ।

यस अघि खरेलले अध्यक्ष गाहामगर सहित वहुमत सदस्यको अनुमति बिना पञ्जीकृत सदस्यहरुको ३९ हजार २८५ पाउण्ड ७३ पेन्स हिनामिना गरेका थिए। त्यसपछि उच्चस्तरिय छानविन समितिको सिफारिसमा संघको बिशेष साधारणसभाले उनलाई ट्रष्टी बोर्ड र कोषाध्यक्ष पदबाट वर्खास्त गरेको थियो।

सन् २०१५ मा मुछेत्र गुरुङ अध्यक्ष हुँदा गुरुङले नेपाल हाउस निर्माणका लागि विभिन्न संघसंस्थाबाट पैसा उठाउन शुरु गरेका थिए। तर नेपाल हाउस बन्न त परै जाओस्, उक्त पैसा हिनामिना भएको चाल पाएपछि अहिले बेलायतका कयौं नेपाली संघसंस्थाले पैसा फिर्ता माग्न थालेको बताइन्छ।

आफूहरुको पैसा सही सदुपयोग नभएपछि कयौं संघसंस्थाका पदाधिकारी वर्तमान अध्यक्ष प्रेम गाहामगर समक्ष आइपुगेको कुरा मगरले बताए। गाहामगरले त्यो पैसा आफूहरुसंग नभएको बरु विष्णु खरेलले लिएर भागेको बताएपछि सुरक्षा निकायको अनुमतिमा खरेलकै घर पुगेर भएपनि पैसा फिर्ता माग्ने चेतावनी ति संस्थाले दिएका छन्। खरेललाई अर्का वर्खास्त उपाध्यक्ष सुनिलबाबु खड्काको समेत साथ छ।

नेपाल हाउसको पैसा हिनामिनामा अध्यक्ष मुछेत्र गुरुङको कार्यसमितिका कोषाध्यक्ष र गत वर्ष अध्यक्ष पदमा पराजित दीपक श्रेष्ठ पनि संलग्न भएको कुरा अन्य पक्षको दावी छ। खरेल र श्रेष्ठ मिलेर उक्त पैसा कुम्ल्याउने दाउमा रहेको श्रोतको दाबी छ। यी दुवै शक्तिलाइ पछाडीबाट उराल्नेमा एनआरएनए आइसीसीका निवर्तमान महासचिव हेमराज शर्मा र पूर्व आइसीसी सदस्य रामशरण सिम्खडा रहेको कुरा सबैले उजागारे गरेका छन्।

यो त्यहि शक्ति जो जसले यस अधि पनि संघको पैसा लिएर निवर्तमान अध्यक्ष पुनम गुरुङलाइ आर्थिक रुपमा फसाएका थिए। हेमराजहरुले त्यो समय गुरुङलाइ जिताइदिएको ज्याला भनेर संघको पैसा लिए अनि गुरुङलाइ आफैं पुरा गरे भनेर छोडिदिए। त्यो आर्थिक चिसो अझै सुल्टिएको छैन।

अहिले त्यहि पैसा हजाम गुटको सपोर्टमा खरेलले एनआरएनए यूकेको सन् २०१९ देखि यता भएको झण्डै तीन देखि ४ लाख पाउण्ड कारोबार ढाकछोप गर्न वेलफेयर एकाउन्ट नै बन्द गरिदिएका छन्। यतिमात्र होइन्, खरेलले आफ्नो व्यक्तिगत फाइदाका लागि एनआरएनए यूके नन रेसिडेन्ट नेपाली एसोसिएसन नाममा बैंक एकाउन्ट समेत खोलेका छन्। नेटवेस्ट बैंकमा खाता खोलेर उनले गत १८ अक्टोबरमा चन्दा संकलन गरेका थिए। संकलित रकम कहां के प्रयोजनका लागि भन्ने खुलाइएको छैन्।

एनआरएनए यूकेका अध्यक्ष प्रेम गाहामगरले यी तीनैजना विरुद्ध कानूनी प्रक्रिया अगाडि बढाइरहेको बताइएका छन्।