मानिसमा हुने राहु दोष या राहु काल र छुटकारा पाउने उपायहरु

-कृष्ण के सी, अमेरिका, अध्ययन र गुगल गर्दा पाइएको दर्शन अनुसार, जनवरी २५, २०२३

हिन्दू पौराणिक कथा अनुसार राहु र केतु दुईवटा छाया ग्रह हुन्। राहु र केतु दुबै असुर अर्थात् राक्षसहरू कुलका थिए। त्यो समय उनीहरु आएर देवताहरूसँग अमृत भोजनमा घुसेर संगैबसे। संजीवनीको रुपमा गराइएको अमृतपानमा उनीहरुले पनि भाग पाए। उनीहरुले अमृतको घुट्को/चुस्की मात्र के लिएका थिए विष्णु भगवानले आफ्नो सुदर्शन चक्रले दुवै राक्षसहरुको टाउको काटिदिए।

यही अमृतको घुट्को पिएका कारणले गर्दा राहु र केतु दुवै राक्षसहरु सधांको लागि अमर छन् भनिछ। त्यहि उपरान्त देखि राहु र केतुले मानिसहरुको जन्म कुण्डलीमा उपस्थित हुने या संयोग पुग्न गएमा मानिसहरूलाई धेरै असुविधा र समस्याहरू दिन्छन्। राहु दोषका लागि समाधानहरू धेरै छन्। तर यसको प्रभावहरू निमिट्यान्न गर्न बारम्बार बिधि पुरा गर्नुपर्छ।

यदि कसैको कुंडलीमा अशुभ राहु रहेको रहेछ भने यसले आकस्मिक प्रकोप निम्त्याउँछ। निरन्तर रुपमा रोग लाग्ने, पागलपन जस्तो बानी हुने, घाउ-चोट लाग्ने इत्यादी हुने हुन्छ। अनि मनमा शान्तिको कमी हुन्छ र कसैले त आत्महत्या पनि गर्छन। राहु प्रभावले मानिसको मृत्यु समेत हुन सक्छ भन्ने विश्वास छ।

अशुभ राहु भएको व्यक्तिले बारम्बार छिमेकी, काम, समाज, घर-परिवार लगायतका मानिसहरूसँग झगडा पनि गर्नेगर्छ। अरुको विश्वास गर्दैन सधैं शंका र अविश्वासको बानी-बहोरा देखाउँछ। उनीहरुमा मानसिक अशान्ति पैदा हुन्छ। त्यसैका कारण राहु दोष भएको मानिसलाइ राती निन्द्रा नलाग्ने र खराब सपना देख्ने प्रवृत्ति हुन्छ। विशेष गरी गोही जस्ता जनावरहरु सपनामा आउने र तर्सने अवस्था हुन्छ।

राहु दोषका लक्षणहरु

1. निन्द्रा नलाग्नु या सुत्न नसक्नु
2. सपनामा गोही देख्नु
3. उनीहरु रीतिरिवाज, संस्कार, धर्म, कर्म र पुजा पाठ, परंपरा मान्दैनन, अटेर गर्छन
4. चुलबुल गर्ने, ध्यानपूर्वक बस्न नसक्ने, मन चंचल हुने, छटपट गर्छन, एकाग्रता हुँदैन
5. राहु दोष भएका मानिस बसेको घरमा खास र बिशेष ठाउँमा पानी जमेको या पानी जम्ने खाडल हुँन सक्छ
6. राहु दोष भएका मानिस बसेको घरमा धुलो, फोहोर र भद्रगोल देखिन्छ, सफा गर्न मन लाग्दैन
7. राहु दोष भएका मानिस बसेको घरका बिरुवा, फुल इत्यादी सप्रंदैनन र मरेर जान्छन
8. विद्युतीय उपकरण/सामान तर्फ बढी आकर्षित हुनेगर्छन। जस्तो बिजुली, रेडियो, टिभि, फोन इत्यादि कब्जा गर्ने र त्यसैमा समय बिताउने गर्छन
9. रिसाउने, समान, चीजहरू तोड्फोड गर्ने, क्रोधित हुने, चिडचिडा र हिस्रक पनि बन्न सक्छन
10. कुनै पनि कामलाई राम्ररी पूरा गर्न नसक्ने र जागिर परिवर्तन गरिरहन्छन
11. प्राय सबै खाले अपमान, अरुको हेपाइ, भनाइ इत्यादी चुप-छाप सहने, जवाफ नदिने या सामना गर्न सक्छन्
12. विभिन्न कारणले भित्र-भित्र बेखुसी या दुखि हुन्छन
13. प्रगतिमा कहिलेकाहीं अवरोध र समस्या आउन सक्छ।

राहु दोष हटाउने उपायहरु

1. दिनमा २१ पटक राहु मन्त्र जप्नु: ॐ भ्रां भ्रीं भ्रौं सःराहवे नमः॥
2. शनिबार शाकाहारी खाना खाने - राहु र केतु दुवै छाया ग्रह हुन्। तिनीहरू सामान्यतया शनि वा शनिदेवको रूपमा एकै दिनमा पूजा गरिन्छ। त्यसैले राहु दोष भएका व्यक्तिका लागि शनिबार शाकाहारी भोजन गर्नु फाइदाजनक हुन्छ ।
3. भगवान शिवको प्रार्थना गर्नु- भगवान शिव तीन ग्रहहरु अर्थात् शनि, राहु र केतुका स्वामी र स्वामी हुनुहुन्छ। त्यसैले भगवान शिवलाई दूध, गंगाजल र घिउले स्नान गर्दा राहुदोषको दुष्प्रभावबाट मुक्ति मिल्छ। यदि तपाईको कुण्डलीमा राहु दोष छ भने, भगवान शिवको प्रार्थना गर्नुहोस् र दिनमा २१ पटक “ओम नमः शिवाय” भन्नुहोस्।
4. राहु शान्ति पूजा गरौ-राहुलाई प्रसन्न गर्न र सुखी, समृद्ध र सफल जीवनको लागि उहाँको आशीर्वादको लागि अनुरोध गर्न राहु र केतु शान्ति पूजा नामक विशेष पूजा गर्नुराम्रो हुन्छ।
5. श्री काल भैरव दर्शन गर्नु
6. परोपकार - औंसी अर्थात अमावस्याका दिन कुनै पनि मन्दिरमा ४ वटा नरिवल दान गर्नु। गरिबहरूलाई गहुँ, केरा जस्ता खाद्य वस्तुहरू दानगर्नु। राहु दोषको प्रभावलाई नकार्ने उत्तम उपायहरू मध्ये एक साबित हुन सक्छ। यदि कुण्डलीमा राहु दोष छ भने जीवनमा राम्रो नतिजा प्राप्त गर्ने एकमात्र उपाय सफा हृदयले दरिद्र र गरीबलाई सहयोग गर्नु हो।