किसान
=======
सनातन परम्परा
आज असार पन्ध्र
एक राते दहिसंग
ताईचिनकाे चिउरामा
मायाकाे गुलियाेपना मिसाउदै
तिमिलाइ बनाउन मन लागेको छ
असारे बेहुली
ब्याड भरीका बिउहरू
गरा भरी राेपेर
मंसिरमा सुन फलाउने
सुनाैलाे सदिच्छाका साथ
बासन्ति रहरहरुलाइ
बाछिटाहरुबाट नभिजाउन
भोर्लाको घुमले छाेपेर
जाेगाउनुछ असारकाे गर्भे हिलाे
हिलाम्पुर तिम्राे छातीमा
ढकमक्क फुलाउन छ
कलेजि कमल
नारिभरि सजिएका
इन्द्रेणी चुराहरु जस्तै
तरेलि परेका फाँटहरुमा
राेपारेहरुले गाइरहेका
भाकाहरू टपक्क टिपेर
गाउन मन लागेको छ
तिम्रै नाम को असारे गित
मार्सि धानकाे हरियाे बिउ जस्तै
तिमीले अाेढेकाे
हरियाे पछ्याैरि अाेढेर
मलाइ लेख्न मन लागेको छ
किसानकाे कविता
रंग फेरिने काँचका चुराहरुकाे
झंकार बजाएर
बाउसे सङै नाच्दै
छ्यापेर दबदबे हिलाे
सजाउन मन लागेको छ
तिम्रो यौबन को असार
तिमीले काटेर थालभरि सजाएकाे
गुलिया अाँपकाे चिरा बनेर
तिमीलाई चखाउन मन लागेकाे छ
असार को मिठास
काेदालिकाे फालिले
सम्याउनु छ
दु:खकाे कान्लाे
भर्नु छ सुखकाे भकारि
कहिल्यै नभत्कने गरि
फर्काउनु छ असारे कुलाे
झिकेर ठेकिकाे बिर्काे
खन्याउदै फुलबुट्टे कचाैरामा
यिनै मेरा हातहरुले तिमीलाई
यस पालिको
असारे दहि चिउरा खुवाउदै
बनाउन मन लागेको छ
अाफ्नै हृदयकाे प्रिय राेपार ।
(=ऋषभ घिमिरे,गाेदावरी)
सिफारिस
जगदिश समाल र बबिना भट्टराईको स्वरमा फूल जस्ती माया
अमेरिकाका ईन्जिनियर बिरेन थारु अभिनित गीत
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु