१२ माघ,काठमाडौं।सत्तारुढ नेकपाका नेता अग्नि सापकोटा सभामुखमा निर्विरोध भएका छन्।आइतबार दिउँसो ३ बजे बस्न लागेको प्रतिनिधिसभाको बैठकले सभामुखमा कसैको उम्मेदवारी नपरेपछि सापकोटा निर्विरोध चयन भएको घोषणा गर्दैछ।माघ ७ गते उम्मेदवारीका लागि निर्धारित समयमा अन्य दलबाट मनोनयन दर्ता नगरेपछि उनी निर्विरोध निर्वाचित हुने पक्का भएको हो।नेपाली कांग्रेसले सभामुखमा उम्मेदवारी नदिने र समर्थन पनि कसैलाई नगर्ने निर्णय गरेको थियो।बलात्कार प्रयासको अभियोग लागेका तत्कालीन सभामुख कृष्णबहादुर महराले असोज १४ गते राजीनामा दिएपछि रिक्त सभामुख पद अग्नि सापकोटाले पाएका हुन् । सभामुख चयन हुन नसक्दा पुस ४ गते सुरु भएको हिउँदे अधिवेशन'बिजनेस' मा प्रवेश गर्न पाएको छैनभने संसद्को बैठक सूचना टाँगेर स्थगित हुँदै आएको थियो।
सिन्धुपाल्चोक क्षेत्र नम्बर १ बाट प्रतिनिधिसभा निर्वाचित सापकोटा प्रचण्ड निकटका हुन्।सिन्धुपाल्चोक जिल्ला चौतारा ६ कुविण्डे टोलमा धनपति र तिलमायाबाट २०१४ साल फागुन २४ गते जन्मेका सापकोटा साविकको सिन्धुपाल्चोक क्षेत्र नम्बर २ बाट पहिलो र दोस्रो संविधानसभाको निर्वाचनमा र ०७४ को निर्वाचनमा क्षेत्र नम्बर १ बाट विजयी भएका हुन्।नेकपा स्थायी समिति सदस्य सापकोटाले सूचना तथा सञ्चार र वन मन्त्रालयको जिम्मेवारीसमेत सम्हालिसकेका छन्। २०५१ सालमा पार्टी केन्द्रीय सदस्य बनेका उनी माओवादी र सरकारबीच भएको दोस्रो वार्ता टोलीका सदस्यसमेत थिए। समाजशास्त्रमा स्नातकोत्तर गरेका उनी २०४४ सालमा नेपाल राष्ट्रिय शिक्षक संगठनको केन्द्रीय उपाध्यक्ष भएका सापकोटा २०५२ सालबाट माओवादी शान्तिप्रक्रियामा नआउँदासम्म भूमिगत थिए।
सिफारिस
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!