-भूमी एस घिमिरे, जुन १८, २०१८
दु:खपर्दा;
आशाको दियो मधुरो बल्न थाल्छ
बेसरी हुरी चल्न थाल्छ
मुटुको धड्कन बढ्न थाल्छ
आफन्त जति तर्कन थाल्छन
मीत्रका मण्डली फर्कन थाल्छन
दु:खपर्दा आशाको दियो मधुरो बल्न थाल्छ !
यस्तै बेला;
साहसको घेराले दियो छेक्नुपर्छ
हल्लन नसक्ने गरि दियो गाड्नुपर्छ
साथ दिने आफन्तको बलमा
मुस्कानले मुटुको बेग रोक्नुपर्छ
तर्किने आफन्तलाई बिर्सेर
फर्किने मित्रलाई बिर्सेर
मुसुक्क हाँस्नुपर्छ!!
दु:ख पछि सुख पक्कै आउँछ;
आशा र भरोसाको दृढ संकल्प लिएर
मनको पीडा बढाएर होइन
मीठो संझनासंगै मुसुक्क हाँसेर बाँच्नुपर्छ !!!
दृढ संकल्पले;
दियो जल्न थाल्छ
हुरी भाग्न थाल्छ
दुरी नजिकिन थाल्छ
माया जाग्न थाल्छ
संगत मिल्न थाल्छ
नाता गासीन थाल्छ !!!!
अनि जीन्दगी;
सहज हुन थाल्छ
प्यारो लाग्न थाल्छ
दु:खपर्दा आशाको दियो मधुरो बल्न थाल्छ
सबै कुरा बिर्सेर मुसुक्क हाँस्नुपर्छ !!!!!
सिफारिस
तिमी मेरो जिन्दगी-भिडियो
एनआरएनएमा कुन बाटो होइन मुक्त राजनीतिको मूल बाटो
हेड्स नेपालद्वारा मानसिक स्वास्थ्यको क्षेत्रमा काम गर्ने हेड्सको प्रति...
रूपान्तरण!