-एनआरएनए एनसीसी अमेरिकाको अध्यक्षका उम्मेदवार सुवेदीको जुमहल सभा

एनआरएनए एनसीसी अमेरिकाको अध्यक्षका उम्मेदवार सुवेदीको जुमहल सभा

Hollywood Khabar May 23,2021 Comments

कृष्ण के सी, अमेरिका, मे २४, २०२१

गैरआवासीय नेपाली संघ राष्ट्रिय समन्वय परिषद (एनआरएनए एनसीसी) अमेरिकाका वर्तमान उपाध्यक्ष तथा अध्यक्षका उम्मेदवार बुद्धि सागर सुबेदीले २०२१-२०२३ का लागि हुँदै गरेको निर्वाचनमा अध्यक्ष पदमा उम्मेदवारी दिएका छन्।

आफ्ना टाउनहाल चुनावी कार्यक्रम सकेर चुनावी मौन अबधि सुरु हुनु १ दिन पहिला मे २६, २०२१ बुधबार बृहत जुमहल र्यालीको आयोजना गरेका छन्। सुवेदीको सो र्यालीमा सुबेदी र उनका सहकार्य गर्नआएका अन्य पदका उम्मेद्वारहरुको उपस्थिति रहने छ। बिस्तृतमा जस्ताको तेस्तै:

जुमहल सभामा हार्दिक निमन्त्रणा !

यहि मे २६, २०२१ बुधबार आयोजित जुमहल सभामा मसँग सहकार्य गर्ने सम्पूर्ण उम्मेदवारहरु, निर्बिरोध निर्वाचित सबै उम्मेदवारहरु, मेरो यो अभियानमा साथ, समर्थन, योगदान र उत्साह दिनुहुने तपाइँहरु सम्पूर्ण नेपाली अमेरिकन समुदायलाइ हार्दिक निमन्त्रणा गर्दछु।

म, बुद्धि सागर सुवेदी, गैरआवासीय नेपाली संघ राष्ट्रिय समन्वय परिषद (एनआरएनए एनसीसी) अमेरिकाको वर्तमान उपाध्यक्षले २०२१-२०२३ का लागि हुँदै गरेको निर्वाचनमा अध्यक्ष पदमा उम्मेदवारी दिएको छु।

यो अभियानमा म र मसँगै चुनावी सहकार्य गर्न आउनु भएका अन्य पदका उम्मेदवारहरुको कुरा सुन्ने र तपाइँहरुका आफ्ना अमूल्य राय-सुझाव, शुभकामनाको लागि आयोजित यो जुमहल सभामा यहाँको गरिमामय उपस्थितिको लागि हार्दिक अनुरोध गर्दछु।

त्यसैगरी कार्यक्रममा सम्पूर्ण संचारकर्मी, पत्रकार र पत्रकारहरुको सँस्थाका प्रतिनिधिहरु समेतलाइ उपस्थित भएर सुझाव, संचार र सूचनाको लागि हार्दिक निमन्त्रणा गर्दछु।

एनआरएनए एनसीसी अमेरिकाको मेम्बर्शिप ड्राइभ र चुनावी अभियानमा अमेरिकाको दर्जनौ शहर पुगियो, भेटघाट भए, सुनियो र आफ्ना योजनाका कुरा सुनाइयो पनि। अमेरिकी बिशाल भूगोलले गर्दा तपाइहरु धेरैजनासँग अझै सम्पर्कमा पुग्न सकिएन। बिगतका ती सबै कुराहरुबाट उत्साहित भएर यो पटकको निर्वाचनको प्रचारको अन्तिम दिन आयोजित यो जुमहल सभामा यहाँहरुको उपस्थितिले हामीलाई गौरवान्दित बनाउने कुरामा हामी विश्वश्त छौं।

कार्यक्रम:जुमहल सभा

मिति: मे २६, २०२१

समय:७:०० बजे (पूर्वीय समय)

जुम आइडी पछि उपलब्ध गराइनेछ

भवदीय;

बुद्धि सागर सुवेदी

वर्तमान उपाध्यक्ष तथा अध्यक्षका लागि उम्मेदवार

गैरआवासीय नेपाली संघ राष्ट्रिय समन्वय परिषद अमेरिका

मे २१, २०२१