-एनआरएनए अमेरिकाका २९ राज्य च्याप्टरबाट प्रतिनिधि हटाएकोमा अध्यक्ष पन्तको ध्यानाकर्षण

एनआरएनए अमेरिकाका प्रतिनिधि हटाएकोमा २९ राज्य च्याप्टरद्वारा अध्यक्ष पन्तको ध्यानाकर्षण

Hollywood Khabar September 08,2021 Comments

सेप्टेम्बर ८, २०२१

श्री कुमार पन्त ज्यू

अध्यक्ष

गैरआवासीय नेपाली संघ

विषय : ध्यान आकर्षण

हामी सबैजना गैरआवासीय नेपाली संघ अन्तरािष्ट्रय समन्वय परिषद्को १० औ महाधिवेशनको सङ्घारमा छौँ। सबै राष्ट्रिय समन्वय परिषद्हरूले आफ्नो देशबाट आइसीसी डेलिगेट्सहरुको नाम आइसीसीमा पठाइसक्नु भएको छ।

गैरआवासीय नेपाली संघ राष्ट्रिय समन्वय परिषद अमेरिकाले पठाएको आइसीसी डेलिगेट्सहरुको लिस्टमा २५ प्रतिशतको नाम हटाएर प्रकाशित गरेको देखिएको छ। यसमा गैरआवासीय नेपाली संघ राष्ट्रिय समन्वय परिषद् अमेरिका माताहतका राज्यच्याप्टरमा निर्वाचितहरुले आफूहरु मध्यबाट बैठक चुनेर पठाइएका आइसीसी प्रतिनिधिहरूको नाम समेत हटाईएको देखिन गएको छ।

अमेरिकाका ५० राज्यहरु मध्ये एनअरएनए एनसीसी अमेरिका अन्तरगत रहेका २९ वटा च्याप्टरहरूले एनसीसीको विद्यमान विधान र विधिपूर्वक पठाएका प्रतिनिधिको नाम हटाईएकोमा हाम्रो घोर आपत्ती रहेको कुराजानकारी गराउँद छौ।

गैरआवासीय नेपाली संघ राष्ट्रिय समन्वय परिषद अमेरिकाले ९ अगष्टमा विधान अनुरूप च्याप्टरहरुबाट एकजना आइसीसी डेलिगेटस पठाउन गरेको पत्राचार अनुसार नै च्याप्टहरुबाट प्रक्रियागत ढङ्गले एक जना आइसीसी डेलिगेटस पठाइएको स्मरण गराउन चाहन्छौँ। च्याप्टरबाट प्रतिनिधित्व गर्ने २९ जना र क्षेत्रगत रूपमा निर्वाचित १८ जना गरी ४७ जना अर्थात् अमेरिकाबाट २५ प्रतिशतको नाम प्रकाशित नहुनुको कारण स्पष्ट गर्न सम्बन्धित सबैको ध्यान आकर्षित गराउन चाहन्छौँ।

गैरआवासीय नेपाली संघ राष्ट्रिय समन्वय परिषद अमेरिकामा थोरै सदस्य भएको एउटा च्याप्टरमा जति पनि सदस्य नभएका थुप्रै देशलाई राष्ट्रिय समन्वय परिषद्को मान्यता दिएर ठुलो सङ्ख्यामा प्रतिनिधि लान सक्ने आइसिसीले एनसीसी अमेरिकाकोले च्याप्टरबाट प्रतिनिधित्व गराएका एक-एक जना प्रतिनिधिलाई कुनै पनि बहानामा हटाउन खोज्नु दु:खद पक्ष हो।

एनसीसी अमेरिकाले च्याप्टरबाट समेत सहभागी गराएर पठाएको आइसीसी डेलिगेटस लिस्टलाई आइसिसीले मान्यता दिनुपर्छ भन्ने हाम्रो जोडदार माग रहेको छ। च्याप्टरहरूको मागलाई बेवास्ता गरिएमा आइसीसीका कार्यक्रमलाई समेत च्याप्टरहरूले सहयोग गर्न नसकिने अवस्था निर्माण हुनसक्ने तर्फ समयमा नै सचेत गराउन चाहन्छौँ।

धन्यवाद

च्याप्टर अध्यक्षहरू