एनआरएनए एनसीसीहरुको दोश्रो विश्व भेलाले मुद्दा फिर्ता लिन दबाब दिने छ: बुद्धि सुवेदी

Hollywood Khabar November 29,2021 Comments

अमेरिका-गैरआवासीय नेपाली संघ (एनआरएनए) राष्ट्रिय समन्वय परिषद्हरुको दोस्रो भेलाले नेपाल सरकार विरुद्धको मुद्दा फिर्ता लिन दबाब दिने विश्व भेला तयारी समितिका संयोजक बुद्धि सुवेदीले बताएका छन्।

नोवेम्बर २९, २०२१ सोमबार हलिउडखबर डटकमसंग कुरा गर्दै एनसीसी अमेरिकाका अध्यक्ष सुबेदीले संघका काम चलाउ अध्यक्ष कुमार पन्तले अन्तरराष्ट्रिय समन्वय परिषद् (आइसीसी) को कुनै पनि निकायमा छलफल र निर्णय नगराइ नेपाल सरकार विरुद्ध मुद्दा मामिला गर्नु उचित नरहेको बताए।

यदि आइसीसीले नेपाल सरकारसंग समन्वय नगर्ने हो भने हामीले पनि आइसीसीसंग समन्वय गर्न आवश्यक नहुन सक्छ। पंजीकृत सदस्यहरुले तिरेको शुल्क खर्च गरेर नेपाल सरकार विरुद्ध मुद्दा गर्ने काम आपत्तिजनक छ, उनले भने।

आइसीसीको अन्तिम बैठकमा अध्यक्ष पन्तले ३० नोभेम्वर भित्र चुनाव गराउने वाचा गरेको तर चुनाव हुन नसकेकाले पनि एनसी सी हरुको दोश्रो विश्व भेला गर्नु परेको सुवेदीले बताए। हामीले अब परराष्ट्र मन्त्रालयले दिएको निर्देशन अनुसार हाल स्थगित दशौँ महाधिवेशन आयोजना गर्न संरक्षक परिषदलाई आग्रह गर्ने छौं, उनले भने।

समयमा चुनाव नहुँदा संस्था धरापमा जान सक्छ। सामूहिक आवाजबाट नेतृत्वलाई काम गर्नको लागि सुझाव दिन पहिलो विश्व भेला गरेका थियौं। नोभेम्बर ३० भित्र चुनाव नभएपछि दोस्रो भेला तोकिएको हो, सुवेदीले भने ।

पहिलो भेलामा अध्यक्ष तथा महासचिवबाट भेलामा कोही पनि नजानु, भेला नगर्नु भन्ने धम्कीपूर्ण केहीलाई इमेल आएको पनि सुवेदीले खुलासा गरे।त्यो हुँदाहुँदै पनि ५० जना एनसीसी अध्यक्षहरु उदघाटनमा उपस्थित भएको उनले बताए।

त्यो भेलाबाट पास भएका कुराहरु परराष्ट्र मन्त्रालयले समेत स्वीकारेको छ। यदि निश्पक्ष चुनावको कल्पना गर्ने हो भने संरक्षक परिषद भन्दा अरुबाट हुन सक्दैन, उनले भने, काम चलाउ भैसकेको समितिले चुनाव घोषणा गरेका साथीहरु चुनाव पनि लड्दै हुनुहुन्छ, त्यसैले कन्फिलक्ट अफ इन्ट्रेस्ट' हुन्छ।

जुनसुकै सरकार भए पनि एनआरएनले मिलेर काम गर्नुपर्ने सुवेदीको धारणा छ। यो वा त्यो सरकारसँग कुनै मतलव नभएको र गैरआवासीय नेपाली संघका मुद्दा सुनिदिनुपर्छ पूरा गरिदिनुपर्छ भन्दै सरकारलाई आग्रह गरिरहेका बेला मुद्दा हाल्नु गलत भएको सुवेदीले बताए। सरकारविरुद्ध संस्थाले मुद्दा हाल्ने प्रक्रिया नराम्रो हो। यसको विरोध गर्नुपर्छ। परराष्ट्रमन्त्रीलाई हामीले भेट्यौं । प्रधानमन्त्री, मन्त्रीज्यूहरुसंग हामी भेटेका हुन्छौं। यो वा ऊ सरकारको भन्ने हुँदैन, उनले भने।

बुधबार हुन गइरहेको भेलामा अन्तर्राष्ट्रिय समन्वय परिषदका नवनिर्वाचित सदस्यहरुलाई पनि आमन्त्रण गरिने र भेलाको निष्कर्ष संघका विभिन्न निकाय लगायत परराष्ट्र मन्त्रालयमा पनि पठाइने सुवेदीले जनाए।

गत २४ अक्टोबरमा पहिलो विश्व भेला भर्चुएल माध्यमबाट आयोजना गरिएको थियो। यस अघि पहिलो विश्व भेलाको निष्कर्ष बेलायत भ्रमणमा आएका प्रधानमंत्री शेरबहादुर देउवालाई पनि बुझाइएको थियो।

संबन्धित समाचार

परराष्ट्र बिरुद्धमा मुद्धा हाल्ने खर्च एनआरएनएको कोषबाट दिने अधिकार राजेश राणालाइ छ?

नेपाल सरकार विरुद्ध मुद्दामामिला गर्ने काम लज्जा जनक, यो संस्थाको होइन कुमार पन्तको निजि कुरा हो

सरकारसँग झगडा गर्ने काम आजैदेखि बन्द गरौँ:आचार्य

एनआरएनए भर्सेस एमाले कुमार पन्त, उच्च अदालत पाटनमा परराष्ट्र बिरुद्ध निवेदनको पूर्णपाठ सहित

एनआरएनएको मुद्धामा उच्च अदालत पाटनद्वारा अल्पकालिन अन्तरिम आदेश, ५ डिसेम्बरमा अन्तिम फैसला

नेपाल सरकार विरुद्ध एनआरएनएका पन्तले मुद्दा हाले, दर्जनौं पाप लुकाउने अन्तिम प्रयास

गैरआवासीय नेपाली संघका पदाधिकारीले नै भने, महाधिवेशन र निर्वाचन हुन्छ, मुद्धा-मामिला होइन

https://hollywoodkhabar.com/nrna-cpsheshghale-10thagm1stmeeting

गैरआवासीय नेपालीहरुले सरकार विरुद्ध मुद्दा मामिला गर्नु हुँदैन, संरक्षक थापा

गैरआवासीय नेपाली संघका प्रमुख संरक्षक शेष घलेले परिषदको बैठक बोलाएका छन्

एनआरएनए संरक्षक परिषदलाई जिम्मा दिनु स्वाभाविक, संघका सल्लाहकारहरुले स्वागत गरे