-तीर्थराज अधिकारी, गोरखा, लप्सीबोट हाल सरस्वतीनगर, काठमाडौॅं ६, जनवरी २७, २०२४
पुँजीपति र धनीमानीको
बाहिरबाहिर निकै खोइरो खन्छ
भित्रभित्र तिनैले पस्किएका
परिकारहरू डकार्दा
आफैँलाई अहो भाग्यमानी ठान्छ
जीवनले छलाङ मारेको
सफलता मान्छ
कसैले आफ्नो परिचय मागे
मुठ्ठी कस्तै रातो सलाम ठोकेर
आफू खाँटी सर्वहारा हुँ भन्छ
हो कि त !
लाल ऊ
दलालहरूको बाहिरबाहिर
खुबै विरोध गर्छ
नाफामा जीवन चल्ने देख्यो भने
भित्रभित्र तिनैका पाउ मोल्छ
धनमा धनै थुपार्छ
अनि भन्छ -
म केही नभएको सर्वहारा हुँ !?
के छैन उससित
पहाडका खेतबारी, डाँडापाखा
उसैका छन्
तराईका मौजाका मौजा
उसैका छन् सहरबजारमा भवनका भवन
उसैका छन्
स्कुल र कलेज उसैका छन्
अस्पताल र क्लिनिक
उसैका छन्
सहकारी र बैँक
उसैका छन्
सुन, चाँदी र हीरा उसैका छन्
टावर उसैका छन्
पावर उसैका छन्
एनजिओहरू उसैका छन्
भोजभतेर र जन्तीका लस्कर
उसैका छन्
डन उसैका छन्
तस्करहरू उसैका छन्
सायद सर्वहारा हुन
यिनै मापदण्डहरू चाहिने हुन् भने
यी सबै कुरा पूरा गर्ने
ऊ खाँटी
सर्वहारा हो
गरिबहरूको विधाता हो !!
विधाता !
गरिबी घटाउन गरिबहरूलाई
मञ्चमा नचाइरहन्छ
तिनलाई गरिबीका गीत रटाएर
मालै मालाले पुरिँदै
तिनका अगाडि
आफूलाई सामन्त विरोधी
देखाइरहन्छ !
यस्तो नाटक को खेल्न सक्छ ?
मन यसरी को भुट्न सक्छ ?
ढाँट्ने पनि कला चाहिँदो रहेछ !
यस्तो कलामा खप्पिस - ऊ
पक्कै पनि खाँटी
सर्वहारा हो !!
बुलेट प्रेमी - ऊ
ब्यालेटमा विश्वास गर्दैन
भत्ता राम्रै मिल्छ भने
त्यसैलाई फेरि
विश्वास गर्न पनि पछि पर्दैन !
ब्रेड हो उसको भजन
ब्रेनलाई केही गन्दै गन्दैन !!
कलम कुच्याएर
बन्दुक सुम्सुम्याउँछ
मान्छेलाई खाडमा खसालेर
विषालु सर्प पाल्न बजेट रित्याउँछ !
जुस खान्छ
घुस खान्छ
कमिसन खान्छ
जहाँ खसीको मासु देखाएर
कुकुरको मासु बिक्री हुन्छ- भन्छ
ऊ त्यहाँ त्यही खान जान्छ !
के खाँदैन र !
ऊ सर्वहारा हो
जे भेट्यो त्यही खान्छ
तन खान्छ
धन खान्छ
वन खान्छ
जालझेल र छल गरी गरी
लठ्याएर मान्छेको मन खान्छ !!
**तीर्थराज अधिकारीका अरु कविता**
- समयको खेल
- मान्छे हुन नसकेका मान्छेहरू !!
- आफैँलाई नदेख्ने यी आँखाहरू
- लीला
- प्रतिकूलता/अनुकूलता
- कहाँ छ यस्तो ?
- मन-यात्रा
- मानवताको बोल
- फुलेको जवानी
- मालिक र नोकर
- मेरी प्यारी कविता
- जहाँ सुन्दर जीवन हुन्छ
- अब फस्नुहुन्न
- भ्यागुताहरू
- नानीका बाउ !
- आकाशमाथिका आकाशहरू
- विह्वलता
- बिचरा पुतलीहरू
- फूल र आगाका रूपका मान्छेहरू
- अर्थ/अनर्थ
- प्रतीक्षा
- काल-कर्म
- लोभिँदा लोभिँदै
- होसियार !!
- आकाशसँग
- वास्तविकता
- जङ्गल
- मेरा माटाका विम्बहरू
- चमेराहरू
- पीपलका पातहरू
- जगत् चिडियाखाना
- माया, नाता र आफन्तहरू
- उभिएकै छन्-बिचरा बुख्याँचाहरू
- आफन्त
- वानर लीला
- तिमी खुसी नै छौ
- आगो उसै जन्मिँदैन
- उस्तै-उस्तै रूपहरू
- माया, नाता र आफन्तहरू
- लिफ्टबाट झर्दै
- कलाकार नेताहरू
- मेरो प्रजातन्त्र
- नवजीवनको प्रतीक्षामा
- डाक्टर साहेब
- यसरी उठ्छ यथार्थ
- बुद्धिजीवी:अनौठो किंवदन्ती
- भीमोदय
- पानी
- पाठशाला कता खोजौॅं
- आज नेपाल बन्द छ ! (४)
- आज नेपाल बन्द छ- ३
- आज नेपाल बन्द छ- २
- आज नेपाल बन्द छ-१
- मकैका फूलहरू
- सपनामा हराएको बिपना
- बोटको अठोट
- भलिबल
- भ्रमजाल
- भेडा र गोठालाहरू
- सत्ता
- के प्रयोजन
- स्वतन्त्रता !
- राजनीतिका जुवाडेहरू
- कवि र दुनियाँ
- सलाम मुटुका मालिकहरूलाई
- घडीको टिकटिक
- बग्गीका घोडाहरू
- असहमति
- जडमूर्ति
- छाया
- वाणीपुत्र ! महाकविमा समर्पित
- उभिएकै छन्-बिचरा बुख्याँचाहरू
सिफारिस
मे डे अर्थात ८ घन्टा काम, ८ घन्टा मनोरञ्जन र ८ घन्टा आराम अनि नेपालको...
ललितपुरको बडिखेलमा आगोलागि, एकजनाको मृत्यु
उपनिर्वाचनमा ठुला पार्टीहरुको गिर्दो अवस्था, सेना परिचालन गर्न स्वीकृत...
हत्यामा संलग्न रहेको अभियोगमा सुदिप र उदित ठाकुर पक्राउ